close
Եղանակը Երևանում
23 Սեպտեմբերի 2018
+12°
+23°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Միքայել Մանուկյանը հմուտ ղեկավար է և թիմով է աշխատելու. Արմեն Ռուստամյան

Քաղաքական

28 Օգոստոսի 2018, 16:40
 Միքայել Մանուկյանը հմուտ ղեկավար է և թիմով է աշխատելու. Արմեն Ռուստամյան

Միքայել Մանուկյանը՝ որպես հմուտ ղեկավար, իրեն դրսևորել է լավագույնս. խորհրդարանում լրագրողների հետ զրույցում ասաց ԱԺ ՀՅԴ խմբակցության ղեկավար Արմեն Ռուստամյանը:

«Մեր խորին համոզմամբ՝ այսօր մայրաքաղաքը հենց հմուտ ղեկավարի կարիք ունի: Նա տիրապետում է քաղաքի իրավիճակին, քաղաքապետն առաջին հերթին հենց դա պետք է իմանա: Պետք է մայրաքաղաքը ճանաչի իր 10 մատի պես, թե որտեղ ինչ խնդիրներ կան և գտնի լավագույն կադրերը, որոնք այդ գործի ունակներն են»,- ասաց նա:

Ռուստամյանի կարծիքով` այսօր մեր գլխավոր հարցը դա է: «Ցանկացած իշխանության ամենակարևոր ցուցանիշը այն բանում է, թե նա ինչպիսի կադրային քաղաքականություն է վարում: Պետք է գտնի լավագույն  կադրերին, որոնք այդ գործը ամենալավը կանեն՝ լինի դա աղբահանության, տրանսպորտի, թե մեկ այլ հարց, որ որևէ երևանցու մոտ կասկած չառաջանա, թե սա ամենալավ կադրն էր, որ գտնվեց և այդ տեղում նշանակվեց: Այդ հարցով ես վստահում եմ Միքայել Մանուկյանին»,- ասաց նա:

Ռուստամյանը նաև նշեց, որ այն կադրերը, որոնք աշխատել և իրենց ճիշտ են դրսևորել, ինչ է թե մենք նոր Հայաստանում ենք՝ չպետք է «դուրս գցվեն»: «Այդպիսի կադրերը պետք է իրենց տեղում մնան և աշխատեն: Թիմ աշխատեցնելու հմտություններ պետք է ունենա քաղաքապետը և այդ առումով Միքայել Մանուկյանը, վստահ եմ, որ հենց դա է անելու, նա թիմով է աշխատելու, ամեն հարց իր լուծողն է ունենալու, և այդ մարդը լինելու է լավագույնը»,- շեշտեց նա:

Հարցին էլ, թե ինչպես է գնահատում ՀՅԴ շանսերը` հաշվի առնելով վարչապետի ֆակտորը և նաև բազմաթիվ քաղաքական ուժերի մասնակցությանը հարցը, նա պատասխանեց, որ ընտրությունները լավ առիթ են քաղաքական ուժի համար ասել այն, ինչ մտածում է: «Մեզ համար շատ կարևոր է, որ Հայաստանում, իսկապես, իրավիճակ է փոխվել, ինչն էլ մեր ամենամեծ ձեռքբերումն է: Բոլորն այսօր հավատում են, որ ընտրություններն իրական ընտրություններ են լինելու: Ցանկացած քաղաքական ուժ, երբ տեսնում է, որ ընտրություններն ընտրություն են, չի կարող չմասնակցել:  Պարտավոր է մասնակցել, անգամ եթե կարող է չհաղթահարել անցողիկի շեմը»,- ասաց նա:

Ռուստամյանը հավելեց, որ այս ընտրությունները կարևոր և նախապատրաստական քայլ են դեպի ԱԺ ընտրություններ:

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica