close
Եղանակը Երևանում
19 Սեպտեմբերի 2018
+25°
+26°Ցերեկ
+14°Գիշեր
weather
close
Փոխարժեք
19 Սեպ 2018
USD1484.37
GBP1635.69
EUR1565.50
RUB17.15
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե ՀԱՊԿ քարտուղարի նախագահությունը անցնի այլ երկրի, քաղաքական պատասխանատվությունը կընկնի Փաշինյանի կառավարության վրա. Շարմազանով

Քաղաքական

28 Օգոստոսի 2018, 13:15
 Եթե ՀԱՊԿ քարտուղարի նախագահությունը անցնի այլ երկրի, քաղաքական պատասխանատվությունը կընկնի Փաշինյանի կառավարության վրա. Շարմազանով

Երեք ամսում այս կառավարությունն այնքան սխալ է արել, որ մեր սխալները հանգիստ փակվում են. խորհրդարանում լրագրողների հետ զրույցում ասաց ԱԺ փոխխոսնակ Էդուարդ Շարմազանովը: «Ամբիոնից հայտարարում են, թե հայ ռուսական հարաբերությունները գեղեցիկ ձևով զարգանում են, բայց որևէ արդյունք չենք տեսնում: Ոչ Տեր-Պետրոսյանի, ոչ Ռոբերտ Քոչարյանի, ոչ Սերժ Սարգսյանի օրոք ես չեմ լսել ակնարկ` Հայաստանի իշխանությունը մեկ բան ասում է, մեկ այլ բան՝ անում՝ կենացներ խմելով ու ասելով չի»,- ասաց նա:

Շարմազանովը հայտարարեց, թե լուրջ մտահոգություններ ունի ՀԱՊԿ-ի հետ կապված:

«Լուկաշենկոյի հայտարարությունը ևս մեկ անգամ հաստատեց, որ Հայստանին ոչ ոք ՀԱՊԿ-ի պաշտոն օդից չի տվել: Սերժ Սարգսյանի իշխանությունն արել է ամեն ինչ, որպեսզի այդ հեղինակավոր միջազգային կազմակերպությունում Հայաստանը ստանձնի գլխավոր քարտուղարի պաշտոնը: Աստված մի արասցե, եթե ապագայում ՀԱՊԿ-ում գլխավոր քարտուղարի նախագահությունը հասնի այլ երկրի, այստեղ քաղաքական պատասխանատվությունը պետք է ընկնի Փաշինյանի կառավարության վրա»,- նշեց նա:

Միևնույն ժամանակ նա ասաց, որ իրենք չեն ուրախանում կառավարության ձախողումների համար:

«Որևէ մեկի մոտ թող կարծիք չձևավորվի, որ մենք ուրախանում ենք, թե Լավրովն էս ինչ լավ հայտարարություն արեց, կպավ Փաշինյանին, կառավարությանը, էս Սվիտալսկին ասաց` բա որ փող եք ուզում, ինչի՞ հստակ դիրքորոշում չունեք, կամ ԱՄՆ դեսպանը կանգնում, ասում է` ներդրումային ծրագրեր նախատեսված չեն Հայաստանում: Մենք դրանից չենք ուրախանում»,- ասաց նա և հավելեց, որ օգոստոսի 17-ին վարչապետի ելույթը ոչ թե երկրի ղեկավարի ելույթ էր, այլ ամբոխավար գործչի, ով մեկ պահ մոռացել էր, որ երկրի թիվ մեկ պաշտոնյան է:

Երազում տեսած Հայաստանս
19 Սեպտեմբերի 2018, 12:17 Երազում տեսած Հայաստանս
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica