close
Եղանակը Երևանում
25 Սեպտեմբերի 2018
+22°
+27°Ցերեկ
+15°Գիշեր
weather
close
Փոխարժեք
25 Սեպ 2018
USD1482.27
GBP1632.79
EUR1567.63
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Շինծու գործ է թխվել. Ֆարմանյանը`քրոջ դեմ հարուցված քրգործի մասին

Քաղաքական

28 Օգոստոսի 2018, 12:05
 Շինծու գործ է թխվել. Ֆարմանյանը`քրոջ դեմ հարուցված քրգործի մասին

Կառավարության կողմից հրավիրված ԱԺ արտահերթ նիստում նախքան օրակարգին անցնելը ՀՀ ԱԺ ՀՀԿ-ական պատգամավոր Սամվել Ֆարմանյանը վարման կարգով ելույթ ունեցավ: Նա անդրադարձավ քրոջ՝ Շիրակի Միքայել Նալբանդյանի անվան համալսարանի նախկին պրոռեկտոր Անահիտ Ֆարմանյանի դեմ հարուցած քրեական գործին: Ֆարմանյանը վստահություն հայտնեց, որ քրոջ հետ կապված միջադեպն անուղղակիորեն առնչվում է իր հետ:

«Իմ անձի շուրջ հարուցված քրգործին եմ ուզում անդրադառնալ, որը վերաբերվում է քրոջս։ Ինձ համար ակնհայտ է, որ սա առնչվում է ինձ՝ որպես ԱԺ պատգամավորի։ Փաստաբանների կողմից համապարփակ տեղեկատվություն է ներկայացվել, որը ևս մեկ անգամ ապացուցում է, որ քրեադատավարական օրենքների կոպտագույն խախտումներով անհիմն, շինծու գործ է թխվել, մեղադրանք է առաջադրվել։ Ես առաջիկայում հրապարակային այս ամենին կանդրադառնամ, ուղղակի ցանկանում եմ հայտարարել, որ սա հանրապետությունում գրված և չգրված օրենքի, բարոյականության ու մարդկային պատշաճությունից այն կողմ գործողություն է, որը չի կարող մնալ անպատասխան»,- նշեց Ֆարմանյանը։

«Ելք» խմբակցության պատգամավոր Ալեն Սիմոնյանն էլ վարման կարգով ելույթում արձագանքեց. «Եվս մեկ անգամ հիշեցնեմ բոլորին, որ ՀՀ-ում երբևցե որևէ մեկի դեմ կամ հանդեպ քրգործ չի հարուցվում, քրգործեր հարուցվում են ըստ փաստերի և չեն հարուցվում ըստ մեր կամ որևիցե մեկի նախասիրության։ Խնդրում եմ՝ սա ի նկատի ունենալ այսուհետ և ընդմիշտ»։

Հիշեցնենք, որ Անահիտ Ֆարմանյանի դեմ Շիրակի մարզային քննչական վարչության Ախուրյանի քննչական բաժնում հարուցվել էր քրեական գործ ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ «առանձնապես խոշոր չափերով խարդախություն», 179-րդ հոդվածի 2-րդ մասի 1-ին, 2-րդ և 3-րդ կետերով՝ «պաշտոնեական դիրքն օգտագործելով, մի խումբ անձանց կողմից նախնական համաձայնությամբ խոշոր չափերով յուրացնելը կամ վատնելը» և 179-րդ հոդվածի 3-րդ մասի 1-ին կետով՝ «առանձնապես խոշոր չափերով յուրացնելը»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica