close
Եղանակը Երևանում
23 Սեպտեմբերի 2018
+22°
+24°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Չէր կարելի լուսանկարել ու հրապարակել՝ անկախ անձից. Զեյնալյանը՝ Մանվել Գրիգորյանի լուսանկարի մասին

Քաղաքական

21 Օգոստոսի 2018, 12:18
 Չէր կարելի լուսանկարել ու հրապարակել՝ անկախ անձից. Զեյնալյանը՝ Մանվել Գրիգորյանի լուսանկարի մասին

Դատապարտելի է, երբ դատապարտյալին լուսանկարում և հրապարակում են, դա իրավունքի խախտում է. կարծիք հայտնեց ՀՀ արդարադատության նախարար Արտակ Զեյնալյանը՝ խոսելով կալանավայրից Մանվել Գրիգորյանի լուսանկարի հրապարակման մասին:

Ըստ նախարարի՝ եթե նույնիսկ ազատազրկվածը համաձայնել է, որ իրեն լուսանկարեն և լուսանկարը հրապարակեն, ԶԼՄ-ն պետք է ծանրութեթև անի՝ հրապարակի՞ այն, թե՞ ոչ, քանի որ ազատազրկված անձի կամքն ազատորեն չի ձևավորվում:

«Այդ սկզբունքից ելնելով է նաև, որ դատապարտյալներին ընտրական իրավունք չի տրվում: Չէր կարելի լուսանկարել ու հրապարակել այն՝ անկախ անձից, նրա նկատմամբ ունեցած վերաբերմունքից: Այդ իրավունքն ունիվերսալ է և չի կարող խտրականորեն կիրառվել: Իմ հանձնարարությամբ ծառայողական քննություն է տարվում: Լուսանկարը կատարված չէ «Կենտրոն» ՔԿՀ-ում, այն կատարվել է ավելի վաղ ՁՊՎ-ում»,- ասաց Զեյնալյանը:

Նա նշեց նաև, որ մարդու պատիվն ու մյուս իրավունքները չեն կարող նսեմացվել ազատ արտահայտվելու իրավունքով: Ըստ Զեյնալյանի՝ եթե անգամ նման լուսանկար էր արվել, ճիշտ կլիներ, որպեսզի լրատվամիջոցը զերծ մնար այն հրապարակելուց:

Հիշեցնենք, որ երեկ ՀՀ վարչապետ Նիկոլ Փաշինյանին պատկանող Armtimes.com կայքում, որի խմբագիրը դեռևս վարչապետի կինն է, հրապարակվել էր անազատության մեջ գտնվող Մանվել Գրիգորյանի լուսանկարը: Դա մեծ դժգոհություն էր առաջացրել համացանցում, ինչից հետո կայքը հեռացրել էր լուսանկարը: Այնուհետև «Հայկական ժամանակ»-ը ներողություն էր խնդրել լուսանկարը հրապարակելու համար: «Մեր աղբյուրը չենք բացահայտի, իհարկե, սակայն հուսով ենք՝ պատկան մարմինները կհայտնաբերեն և կպատժեն այդ լուսանկարի «հեղինակներին»։ Լուսանկարի հրապարակումը լրագրողական գայթակղություն էր մեր կողմից, որի համար կրկին ներողություն ենք խնդրում»,- հայտարարել էր լրատվամիջոցը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica