close
Եղանակը Երևանում
21 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
21 Օգս 2019
USD1475.90
GBP1575.55
EUR1527.39
RUB17.13
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սերժ Սարգսյանը ևս կհարցաքննվի. ՀՔԾ պետ

Իրավունք

16 Օգոստոսի 2018, 13:18
 Սերժ Սարգսյանը ևս կհարցաքննվի. ՀՔԾ պետ

Մարտի մեկի գործով կհարցաքննվի նաև ՀՀ երրորդ նախագահ Սերժ Սարգսյանը: Այս մասին քիչ առաջ կառավարությունում լրագրողների հետ ճեպազրույցում հայտարարեց ՀՀ հատուկ քննչական ծառայության պետ Սասուն Խաչատրյանը:

«Ես բազմիցս նշել եմ, որ հարցաքննվելու են բոլոր այն անձինք, ովքեր առնչություն են ունեցել այս գործի հետ, հարցաքննվելու է նաև Սերժ Սարգսյանը»,-ասաց նա:

Ըստ ՀՔԾ պետի` քննիչն է որոշում, թե ում, երբ և ինչ հարցերի շուրջ հարցաքննի: «Դա քննչական տակտիկա է, քննիչը պետք է որոշի դրա կարևորությունը»,-նշեց նա` հավելելով, որ հարցաքննությունն ինքնանպատակ չէ:

Անդրադառնալով ՀՀ երկրորդ նախագահ Ռոբերտ Քոչարյանին կալանքից ազատ արձակելու վերաքննիչ քրեական դատարանի որոշման վերաբերյալ ՀՔԾ-ի արձագանքին՝ Սասուն Խաչատրյանը նշեց, որ այն բավականին մեղմ էր: Նրա խոսքով` իրենք, չունենալով որոշումը բողոքարկելու լիազորություն, ընդամենն արձագանքել են դատարանի որոշմանը:

Հիշեցնենք, որ ՀՔԾ-ն ապօրինի էր համարել Ռոբերտ Քոչարյանին ազատ արձակելու վերաբերյալ Վերաքննիչ դատարանի որոշումը: «ՀՀ վերաքննիչ քրեական դատարանի որոշումը ապօրինի է, և Վերաքննիչ քրեական դատարանը դուրս է եկել իր լիազորությունների շրջանակից: Հույս ունենք, որ դատախազությունը վճռաբեկ բողոք կներկայացնի»,-հայտարարել էին ՀՔԾ-ից:

Այս հայտարարությունից հետո Քոչարյանի պաշտպանները նշել էին, որ ՀՔԾ-ն իրավունք չուներ մեկնաբանելու այդ որոշումը, քանի որ նա հանդես է գալիս պետության անունից:

«Ես երբեք ինձ թույլ չեմ տա մյուս իրավաբանի դրսևորած գործունեությունը որակել որպես անգրագիտություն կամ տգիտություն, ինչպես դա հաճախ անում են պարոն Քոչարյանի պաշտպանները»,-ասաց Սասուն Խաչատրյանը:

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica