close
Եղանակը Երևանում
23 Սեպտեմբերի 2018
+15°
+24°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վարկային պարտավորություն ունենալու հանգամանքը չի զրկում նպաստ ստանալու իրավունքից. նախարար

Հասարակություն

15 Օգոստոսի 2018, 21:26
 Վարկային պարտավորություն ունենալու հանգամանքը չի զրկում նպաստ ստանալու իրավունքից. նախարար

Աշխատանքի և սոցիալական հարցերի նախարար Մանե Թանդիլյանն իր եյսբուքյան էջում անդրադարձել է նպաստների համակարգին.

«Նախ, շնորհակալություն նպաստների համակարգում նոր կարգի առնչությամբ ձեր ակտիվ արձագանքի, հարցադրումների և քննարկումների համար։ Դուք պետք է համոզված լինեք, որ ձեր ոչ մի դիտարկում և/կամ անհանգստություն անուշադրության չի մատնվում՝ անկախ ուղիղ պատասխան ստանալու հանգամանքից։ Իմացե՛ք, որ բոլոր այն մտահոգությունները, որոնք դուք ունեք, տեսնում ենք նաև մենք, և չի լինելու իրավիճակ, որ որևէ նոր կարգավորում իրական նպաստառուին դուրս թողնի համակարգից։ 

Ուղղակի չի կարող և չպետք է լինի նման բան։ Այստեղ է, որ կա ձեր աջակցության և համագործակցության կարիքը, որպեսզի այնպիսի լուծման գանք, որը հնարավորություն կտա բացահայտելու իրական կարիքավորներին՝ դարձնելով համակարգը հնարավորինս թափանցիկ և հաշվետու։

Թույլ տվեք ևս մեկ անգամ շեշտադրել․ ՎԱՐԿԱՅԻՆ ՊԱՐՏԱՎՈՐՈՒԹՅՈՒՆՆԵՐ ԿԱՄ ԱՎԱՆԴ ՈՒՆԵՆԱԼՈՒ ՀԱՆԳԱՄԱՆՔՆ ԻՆՔՆԻՆ ՊԱՐՏԱԴԻՐ ԿԵՐՊՈՎ ՉԻ ԶՐԿԵԼՈՒ ՁԵԶ ՆՊԱՍՏ ՍՏԱՆԱԼՈՒ ԻՐԱՎՈՒՆՔԻՑ։ Ապատեղեկատվության տարածման դեպքում ահազանգեք 114 թեժ գծին կամ գրեք նամակով նախարարության ֆեյսբուքյան կամ իմ պաշտոնական էջին։

Տեխնիկական մասով․
- ԱՔՌԱ-ն վարկային պարտավորությունների մասին տեղեկանքը տրամադրում է ԱՆՎՃԱՐ,
- Բանկերի հետ ձեռք բերված պայմանավորվածության համաձայն՝ վարկային պարտավորությունների մասին տեղեկանքը տրամադրում է ԱՆՎՃԱՐ,
- ՀայՓոստի հետ քննարկվում է այս ծառայության դիմաց գումար չգանձելու հնարավորությունը։
Հետագայի համար քննարկվում է տեղեկատվությունն ավտոմատ կերպով ստանալու հնարավորությունը, որի մասին լրացուցիչ կտեղեկացնենք։

Մեր միակ նպատակը այս նոր կարգի գործարկման շրջանակում իրական կարիքավորների բացահայտումն է՝ նպաստների համակարգը ԲԱՑ ԵՎ ՀԱՍՑԵԱԿԱՆ դարձնելու համար»:

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica