close
Եղանակը Երևանում
21 Նոյեմբերի 2018
+2°
+11°Ցերեկ
+2°Գիշեր
weather
close
Փոխարժեք
21 Նմբ 2018
USD1484.70
GBP1622.16
EUR1553.96
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պահանջում են դադարեցնել Քոչարյանին ազատ արձակած դատավորի լիազորությունները

Իրավունք

14 Օգոստոսի 2018, 13:53
 Պահանջում են դադարեցնել Քոչարյանին ազատ արձակած դատավորի լիազորությունները

ՀՀ երկրորդ նախագահ Ռոբերտ Քոչարյանի մամուլի ասուլիսը տապալած «Պրիվետ Ռոբ» ակցիայի մասնակիցները ստորագրահավաք կիրականացնեն` ՀՀ բարձրագույն դատական խորհրդից պահանջելով դադարեցնել դատավոր Ալեքսանդր Ազարյանի լիազորությունները:

«Հայաստանի Հանրապետությանը պետք չեն այդպիսի դատավորներ»,-հայտարարեց ակտիվիստներից մեկը:

Հիշեցնենք, որ երկրորդ նախագահ Ռոբերտ Քոչարյանը երեկ ՀՀ վերաքննիչ քրեական դատարանի դահլիճից ազատ էր արձակվել հենց դատավոր Ազարյանի որոշմամբ:

Հիշեցնենք, որ այսօր ժամը 12:00-ին Էրեբունի Պլազա բիզնես կենտրոնում պետք է կայանար ՀՀ երկրորդ նախագահի մամուլիս ասուլիսը, սակայն «Պրիվետ Ռոբ» ակցիայի մասնակիցները մուտք գործեցի ասուլիսի սրահ և տապալեցին ասուլիսը: Ակցիայի ընթացքում Քոչարյանի ավտոշարասյունը հեռացավ Էրեբունի Պլազայի տարածքից: Ակցիայի մասնակիցներն այնուհետև ուղևորվեցին ՀՀ գլխավոր դատախազության շենք` պահանջելով Քոչարյանի նկատմամբ խափանման միջոց ընտրելու վերաբերյալ նոր միջնորդություն ներկայացնել:

Հիշեցնենք, որ երեկ ՀՀ վերաքննիչ քրեական դատարանի դատավոր Ալեքսանդր Ազարյանը բավարարեց ՀՀ երկրորդ նախագահ Ռոբերտ Քոչարյանի պաշտպանների միջնորդությունն ու նրան անհապաղ ազատ արձակեց դատարանի դահլիճից: Լրագրողների հետ զրույցում Քոչարյանի պաշտպան Ռուբեն Սահակյանը հայտնեց, որ դատարանն արձանագրել է, որ երկրորդ նախագահն անձեռնմխելի է և չի կարող կալանավորվել:

Հիշեցնենք, որ հուլիսի 27-ին Երևանի ընդհանուր իրավասության դատարանի դատավոր Վաչե Մարգարյանը 8 ժամ տևած քննությունից հետո բավարարեց ՀՀ երկրորդ նախագահ Ռոբերտ Քոչարյանին կալանավորելու վերաբերյալ նախաքննական մարմնի ներկայացրած միջնորդությունը։

ՀՀ երկրորդ նախագահը կալանավորվեց 2 ամիս ժամկետով և տեղափոխվեց «Երևան-Կենտրոն» ՔԿՀ: Ռոբերտ Քոչարյանը մեղադրվում է ՀՀ քրեական օրենսգրքի 300.1-ին հոդվածի 1-ին մասով՝ այն բանի համար, որ նա, այլ անձանց հետ նախնական համաձայնությամբ, տապալել է Հայաստանի Հանրապետության սահմանադրական կարգը:

Քոչարյանը պնդում է, որ այս ամենը քաղաքական հաշվեհարդար է:

Անարմատ ծիլեր
20 Նոյեմբերի 2018, 22:02 Անարմատ ծիլեր
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica