close
Եղանակը Երևանում
17 Նոյեմբերի 2018
+6°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռոբերտ Քոչարյանն ազատ արձակվեց դատարանի դահլիճից

Իրավունք

13 Օգոստոսի 2018, 16:30
 Ռոբերտ Քոչարյանն ազատ արձակվեց դատարանի դահլիճից

ՀՀ վերաքննիչ քրեական դատարանի դատավոր Ալեքսանդր Ազարյանը բավարարեց ՀՀ երկրորդ նախագահ Ռոբերտ Քոչարյանի պաշտպանների միջնորդությունն ու նրան անհապաղ ազատ արձակեց դատարանի դահլիճից:

Լրագրողների հետ զրույցում Քոչարյանի պաշտպան Ռուբեն Սահակյանը հայտնեց, որ դատարանն արձանագրել է, որ երկրորդ նախագահն անձեռնմխելի է և չի կարող կալանավորվել:

«Իր պաշտոնավարումից հետո նախագահը չի կարող ենթարկվել քրեական պատասխանատվության, եթե կատարած գործողությունները բխել են իր կարգավիճակից»,-նշեց Ռուբեն Սահակյանը:

Ինչպես դատարանից հայտնում է Yerkir.am-ի լրագրողը՝ Ռոբերտ Քոչարյանը հեռացել է դատարանի հետնամուտքից: Մեր հարցին, թե ինչպես է Քոչարյանն ընդունել ազատ արձակելու որոշումը՝ Ռուբեն Սահակյանը պատասխանեց, թե՝ շատ հանգիստ: Նշենք, սակայն, որ երկրորդ նախագահի նկատմամբ քրեական հետապնդումը դեռևս չի դադարեցվել, նա Մարտի մեկի գործով մեղադրյալի կարգավիճակում է:

Հիշեցնենք, որ երկու օր շարունակ` օգոստոսի 9-ին և 10-ին Վերաքննիչ քրեական դատարանը քննում էր Քոչարյանի կալանավորման որոշման դեմ ներկայացված բողոքն ու նրա նկատմամբ ընտրված խափանման միջոց կալանավորումը գրավով փոխարինելու միջնորդությունը: Հիշեցնենք, որ օրեր առաջ ՀՀ գլխավոր դատախազությունը մերժել է Քոչարյանի խափանման միջոցն անձնական երաշխավորությամբ փոխարինելու վերաբերյալ ՀՀ ԱԺ 45 պատգամավորների ներկայացրած միջնորդությունը: Ավելի վաղ հայտնել ենք, որ ՀՀ պաշտոնաթող նախագահ Ռոբերտ Քոչարյանի խափանման միջոցն անձնական երաշխավորությամբ փոխարինելու վերաբերյալ փաստաթղթի տակ ստորագրել է ԱԺ 45 պատգամավոր, այդ թվում` ԱԺ նախագահ Արա Բաբլոյանն ու երկու փոխնախագահները: Հիշեցնենք, որ հուլիսի 27-ին Երևանի ընդհանուր իրավասության դատարանի դատավոր Վաչե Մարգարյանը 8 ժամ տևած քննությունից հետո բավարարեց ՀՀ երկրորդ նախագահ Ռոբերտ Քոչարյանին կալանավորելու վերաբերյալ նախաքննական մարմնի ներկայացրած միջնորդությունը։

ՀՀ երկրորդ նախագահը կալանավորվեց 2 ամիս ժամկետով և տեղափոխվեց «Երևան-Կենտրոն» ՔԿՀ: Ռոբերտ Քոչարյանը մեղադրվում է ՀՀ քրեական օրենսգրքի 300.1-ին հոդվածի 1-ին մասով՝ այն բանի համար, որ նա, այլ անձանց հետ նախնական համաձայնությամբ, տապալել է Հայաստանի Հանրապետության սահմանադրական կարգը: Քոչարյանը պնդում է, որ այս ամենը քաղաքական հաշվեհարդար է:

Նշենք, որ ՀՀ նախկին և գործող Սահմանադրություններում հստակ ամրագրված է Հայաստանի Հանրապետության նախագահի անձեռնմխելիության վերաբերյալ դրույթը: Մասնավորապես` ՀՀ Սահմանադրության 140-րդ հոդվածի 2-րդ մասի համաձայն՝ Հանրապետության նախագահն իր լիազորությունների ժամկետում և դրանից հետո չի կարող հետապնդվել եւ պատասխանատվության ենթարկվել իր կարգավիճակից բխող գործողությունների համար: 3-րդ կետով էլ սահմանված է, որ իր կարգավիճակի հետ չկապված գործողությունների համար Հանրապետության նախագահը կարող է պատասխանատվության ենթարկվել միայն իր լիազորությունների ավարտից հետո:

Ի՞նչն ենք պաշտպանում...
16 Նոյեմբերի 2018, 21:45 Ի՞նչն ենք պաշտպանում...
Տեղումներ` թաց ձյան տեսքով
16 Նոյեմբերի 2018, 18:01 Տեղումներ` թաց ձյան տեսքով
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica