close
Եղանակը Երևանում
20 Նոյեմբերի 2018
+1°
+11°Ցերեկ
+0°Գիշեր
weather
close
Փոխարժեք
20 Նմբ 2018
USD1485.09
GBP1624.17
EUR1554.26
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ամռանը զբոսաշրջության աճ է գրանցվել, աշնանը այն էլ ավելի կաճի. Արծվիկ Մինասյան

Տնտեսական

9 Օգոստոսի 2018, 16:13
 Ամռանը զբոսաշրջության աճ է գրանցվել, աշնանը այն էլ ավելի կաճի. Արծվիկ Մինասյան

Այսօր կառավարության նիստում, ուր քննարկում ծավալվեց ներդրումների, օրենքի առաջ հավասար լինելու և Հայաստանում բիզնես ծավալելու հարցերի շուրջ, տնտեսական զարգացման և ներդրումների նախարար Արծվիկ Մինասյանը նշեց, որ կարևոր է` ներդրողները կառավարությունից լսեն այն մասին, որ գործելու են հավասարության սկզբունքի ներքո: Նրա խոսքով` տնտեսական ցուցանիշները լավն են, սակայն կարևոր են հետագա բարեփոխումները:

«Հարկային բարեփոխումների համատեքստում մենք որդեգրել ենք մի շատ կարևոր սկզբունք: Ամբողջ հանրապետությունով մեկ ՓՄՁ ԶԱԿ-ը ներգրավել է բիզնեսի բոլոր ուղղությունների ներկայացուցիչներին: Հրավեր ենք ուղարկում նրանց, որ կարողանանք լսել նրանց մտահոգությունները, կարողանանք բացատրություններ տալ»,- ասաց Արծվիկ Մինասյանը:

Երկրորդ կարևոր հանգամանքը, ըստ նախարարի, այն է, որ առաջիկայում հրապարակվելու է տեղեկատվություն, թե պոտենցիալ ներդրողների ինչ բանակ է ձևավորվել, որոնք են իրենց հարցադրումները, բարեփոխումների ճանապարհային քարտեզը: Նախարարը մեկ օրինակ բերեց` այս ոլորտում պետական այլ մարմինների հետ ակտիվ համագործակցության վերաբերյալ:

«Անձը գալիս է, ուզում է ներդրում կատարել էներգետիկայի ոլորտում, շատ արագ կազմակերպում ենք հանդիպումներ համապատասխան գերատեսչությունների միջև, ներգրավում ենք ներկայացուցիչ` ՊԵԿ-ից, որպեսզի անձը ստանա ամբողջական, լիարժեք պատասխան: Այնուհետև մենք` նախարարներով, արագ կայացնում ենք համապատասխան որոշումները, և ծրագրին ընթացք է տրվում: Իհարկե, խնդիրները շատ են, սակայն աշխատելու ենք ներդրումային ֆոնը մեծացնելու ուղղությամբ, ներառյալ զբոսաշրջության ոլորտը»,- ասաց Արծվիկ Մինասյանը: Վարչապետը հետաքրքրվեց. «Այսինքն այս տարի զբոսաշրջության աճ ենք ունենալու՞»:

Արծվիկ Մինասյանը նշեց. «Այս տարի կիսամյակային տվյալներով արդեն իսկ ունենք զբոսաշրջության աճ` 12 տոկոսով: Սպասվում է շատ ավելի մեծ հնարավորություններ աշնանը, թե գաստրոտուրիզմի, թե էկոտորիզմի, թե էթնոտուրիզմի, և թե նոր Հայաստանը տեսնելու առումով»,- ասաց Մինասյանը:

Սպասվում են տեղումներ
19 Նոյեմբերի 2018, 18:01 Սպասվում են տեղումներ
ՊԵԿ-ը պարզաբանում է
19 Նոյեմբերի 2018, 16:55 ՊԵԿ-ը պարզաբանում է
Պուտինը Ստամբուլում է
19 Նոյեմբերի 2018, 16:07 Պուտինը Ստամբուլում է
Կառավարության նիստն` ուղիղ
19 Նոյեմբերի 2018, 15:06 HES_VIDEOԿառավարության նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica