close
Եղանակը Երևանում
19 Սեպտեմբերի 2018
+15°
+26°Ցերեկ
+14°Գիշեր
weather
close
Փոխարժեք
19 Սեպ 2018
USD1484.37
GBP1635.69
EUR1565.50
RUB17.15
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դա դեռ վարկած է. Արթուր Վանեցյան

Քաղաքական

9 Օգոստոսի 2018, 13:17
 Դա դեռ վարկած է. Արթուր Վանեցյան

Այսօր կառավարության նիստից հետո ԱԱԾ պետ Արթուր Վանեցյանը լրագրողների հետ ճեպազրույցում անդրադարձավ երեկ ԱԱԾ կողմից հրապարակված այն տեղեկատվությանը, ըստ որի Մարտի 1-ի գործով ձերբակալվել է նախկին վարչապետ Հովիկ Աբրահամյանի եղբայրը, և որ մեծ քանակությամբ զենք ու ռազմամթերք է հայտնաբերվել Հովիկ Աբրահամյանին պատկանող գործարանում:

Արթուր Վանեցյանը նշեց, որ օպերատիվ տեղեկություններ են ստացվել այն մասին, որ այդ գործարանում թաքցրած է մեծ քանակությամբ զենք ու ռազմամթերք, որից հետո այնտեղ խուզարկություն է կատարվել, գտել են զենքն ու ռազմամթերքը, որը հնարավոր է` առնչվում է 2008թ մարտի 1-ին կիրառված զենքի հետ:

Միաժամանակ Վանեցյանը շեշտեց. «Դա դեռ վարկած է, որը դեռ պետք է ստուգվի, պետք է կատարվի համապատասխան փորձաքննություն»:

Հարցին, թե արդյո՞ք Մարտի 1-ի գործով կասկածներ կան Հովիկ Աբրահամյանի հետ կապված: Արթուր Վանեցյանը նշեց. «Կարող եմ ասել միայն, որ մենք հայտնաբերել ենք զենքեր, որոնք նախնական օպերատիվ տեղեկությունների համաձայն, հնարավոր է` օգտագործվել են 2008թ մարտի 1-ի, 2-ի դեպքերի ժամանակ: Օգտագործվել են այն անձանց կողմից, որոնք ներառված չեն եղել իրավապահ համակարգում»:

ՀՔԾ պետը արդեն հայտարարել էր, որ հայտնաբերվել են 300 պարկուճներ, որոնք հնարավոր չի եղել իդենտիֆիկացնել: Ուստի շատ հնարավոր է` այդ 300 պարկուճներից մեկը կրակած լինի այդ զենքերից: Լրագրողների ճշտող հարցին, այսինքն կասկած կա, որ դրանք օգտագործվել են ինչ-որ անձանց թիկնազորի կամ կողմնակիցների կողմի՞ց, Արթուր Վանեցյանը պատասխանեց. «Այո»:

Հարցին, թե արդյո՞ք Հովիկ Աբրահամյանը հրավիրվել է հարցաքննության, Արթուր Վանեցյանը նշեց. «Ճիշտն ասած, չգիտեմ` այս պահին Հովիկ Աբրահամյանը հրավիրվել է հարցաքննության, թե ոչ, դա երևի ՀՔԾ-ին պետք է հարցնել»:

Երևանյան օրերի խրոնիկա
18 Սեպտեմբերի 2018, 17:38 Երևանյան օրերի խրոնիկա

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica