close
Եղանակը Երևանում
18 Նոյեմբերի 2018
+3°
+7°Ցերեկ
+0°Գիշեր
weather
close
Փոխարժեք
18 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ֆրանսիայի փորձը խիստ օրինակելի է կոոպերացիայի բնագավառում

Տնտեսական

2 Օգոստոսի 2018, 22:25
 Ֆրանսիայի փորձը խիստ օրինակելի է կոոպերացիայի բնագավառում

 

ՀՀ գյուղատնտեսության նախարար Արթուր Խաչատրյանն օգոստոսի 2-ին ընդունել է ՀՀ-ում Ֆրանսիայի արտակարգ և լիազոր դեսպան Ջոնաթան Լաքոտին և Զարգացման ֆրանսիական գործակալության (ԶՖԳ) Հարավային Կովկասի հարցերով գրասենյակի տնօրեն Գաել Ասայագին։

Ողջունելով հյուրերին` նախարար Արթուր Խաչատրյանը նշել է, որ Հյաաստանի և Ֆրանսիայի միջև գյուղատնտեսության ոլորտում ձևավորվել է սերտ համագործակցություն և հույս  հայտնել, որ հետագայում երկկողմ հարաբերություններն ավելի կընդլայնվեն: «Ֆրանսիայի փորձը մեզ համար խիստ օրինակելի, այդ թվում` կոոպերացիայի բնագավառում: Կարծում եմ, այս առումով մենք դեռ շատ բան ունենք սովորելու», - ընդգծել է Արթուր Խաչատրյանը:

Այնուհետև նախարարը հյուրերին համառոտ ներկայացրել է գյուղատնտեսության ոլորտի ներկայիս առաջնահերթությունները, պետության կողմից իրականացվող ագրարային քաղաքականության թիրախային ուղղություններն ու ընթացիկ ծրագրերը: Մասնավորապես, Արթուր Խաչատրյանը կարևորել է պետական աջակցության ծրագրերում փոքր գյուղացիական տնտեսությունների ներգրավումը, բարձրարժեք գյուղմթերքի արտադրության կազմակերպումը, գյուղատնտեսական նշանակության հողերի ծավալների ավելացումն ու միավորումը և այդ նպատակով խրախուսման մեխանիզմների ստեղծումը։

Ոլորտի զարգացման այլ կարևոր բաղադրիչների թվում նախարարը մատնանշել է նաև ինտենսիվ այգիների հիմնումը, կարկտապաշտպան նորագույն համակարգերի ներդրումը, օրգանական գյուղատնտեսության խթանումը, խորհրդատվական ծառայությունների բարելավումը, անասնապահության ոլորտում գյուղատնտեսական կենդանիների համարակալումը, անասնաբուժական ծառայությունների բարելավումը:

Հանդիպման ընթացքում կողմերն առանձին անդրադարձ են կատարել Զարգացման ֆրանսիական գործակալության աջակցությամբ առաջիկայում Հայաստանում մեկնարկելիք «Ոռոգվող գյուղատնտեսության զարգացումը ՀՀ Արարատի և Արմավիրի մարզերում» դրամաշնորհային ծրագրին, որի շրջանակում Հայաստանին տրամադրվող 10 մլն եվրո գումարն ուղղվելու է հիմնականում մի շարք համայնքների հողերի խոշորացմանը, կաթիլային ոռոգման համակարգերի ներդրմանը, խորհրդատվական ծառայությունների մատուցմանը:

Անդրադառնալով ծրագրի շրջանակում նախատեսվող աշխատանքներին` ԶՖԳ Հարավային Կովկասի հարցերով գրասենյակի տնօրեն Գաել Ասայագը հույս է հայտնել, որ այն կունանա բարեհաջող ընթացք: Նախարար Արթուր Խաչատրյանը տեղեկացրել է, որ դրական արդյունքների դեպքում ծրագրի շրջանակները կընդլայնվեն` ընդգրկելով նաև այլ մարզեր:  

Հանդիպման ընթացքում կարևորվել է նաև ագրարային բնագավառում նորագույն տեխնոլոգիաների ներդրմանը զուգահեռ գյուղատնտեսական կրթության եւ խորհրդատվական անհրաժեշտությունը:

Շնորհակալություն հայտնելով ընդունելության համար` Ֆրանսիայի արտակարգ և լիազոր դեսպան Ջոնաթան Լաքոտը նշել է, որ Հայաստանում գյուղատնտեսության ոլորտն ունի միջազգային շուկաներում ներկայանալու մեծ ներուժ: Պատվիրակության անդամները հայտնել են ֆրանսիական կողմի պատրաստակամությունը աջակցություն ցուցաբերել հայկական կողմին և քննարկել նոր առաջարկներ համագործակցության ընդլայնման և ոլորտում նոր ծրագրերի իրականացման նպատակով:

Օդի ջերմաստիճանը չի փոխվի
18 Նոյեմբերի 2018, 16:27 Օդի ջերմաստիճանը չի փոխվի
Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica