close
Եղանակը Երևանում
14 Նոյեմբերի 2018
+5°
+8°Ցերեկ
+5°Գիշեր
weather
close
Փոխարժեք
14 Նմբ 2018
USD1488.68
GBP1629.86
EUR1549.03
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱԺ նախագահն ու մի քանի տասնյակ պատգամավորներ Քոչարյանի համար երաշխավորագիր են ստորագրել

Իրավունք

1 Օգոստոսի 2018, 14:30
 ԱԺ նախագահն ու մի քանի տասնյակ պատգամավորներ Քոչարյանի համար երաշխավորագիր են ստորագրել

ԱԺ նախագահ Արա Բաբլոյանն ու պատգամավորների 1/3-րդից ավելին արդեն ստորագրել են ՀՀ երկրորդ նախագահ Ռոբերտ Քոչարյանի խափանման միջոց կալանքը անձնական երաշխավորությամբ փոխարինելու փաստաթուղթ: Այս մասին Yerkir.am-ի հետ զրույցում ասաց երկրորդ նախագահի գրասենյակի ղեկավար Վիկտոր Սողոմոնյանը` նշելով, փաստաթուղթը ստորագրել են հիմնականում ՀՀԿ-ական պատգամավորներ:

Նա նշեց, որ ստորագրահավաքը դեռ շարունակվում է, և Քոչարյանի համար անձնական երաշխավորություն ներկայացրած պատգամավորների վերջնական թվի մասին իրենք հավելյալ կտեղեկացնեն:

Ստորագրահավաքը նախաձեռնել է ԱԺ ՀՀԿ խմբակցությունը։

Ի դեպ, Քոչարյանի փաստաբանները երկրորդ նախագահի կալանքի դեմ բողոքը ՀՀ վերաքննիչ դատարան են ներկայացնելու այսօր:

Հիշեցնենք, որ հուլիսի 27-ին Երևանի ընդհանուր իրավասության դատարանի դատավոր Վաչե Մարգարյանը 8 ժամ տևած քննությունից հետո բավարարեց ՀՀ երկրորդ նախագահ Ռոբերտ Քոչարյանին կալանավորելու վերաբերյալ նախաքննական մարմնի ներկայացրած միջնորդությունը։ ՀՀ երկրորդ նախագահը կալանավորվեց 2 ամիս ժամկետով։

Հուլիսի 26-ին Ռոբերտ Քոչարյանը հրավիրվել էր ՀՀ հատուկ քննչական ծառայություն՝ Մարտի 1-ի գործով, որպես վկա, հարցաքննվելու: Ավելի ուշ երկրորդ նախագահին մեղադրանք առաջադրվեց ՀՀ քրեական օրենսգրքի 300.1-ին հոդվածի 1-ին մասով՝ այն բանի համար, որ նա, այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Ռոբերտ Քոչարյանը «Երկիր Մեդիա» հեռուստաալիքին տված հարցազրույցում հայտարարել է, որ իրեն առաջադրված մեղադրանքը շինծու է:

Գիտնականները դժգոհում են
13 Նոյեմբերի 2018, 23:15 HES_VIDEOԳիտնականները դժգոհում են
Դուք եք որոշում
13 Նոյեմբերի 2018, 21:30 Դուք եք որոշում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica