close
Եղանակը Երևանում
13 Նոյեմբերի 2018
+8°
+11°Ցերեկ
+4°Գիշեր
weather
close
Փոխարժեք
13 Նմբ 2018
USD1488.68
GBP1629.86
EUR1549.03
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դատարանն ԱԳՆ-ից ճշտել է Խաչատուրովի անձեռնմխելի լինել- չլինելու հարցը. Բալայան

Իրավունք

31 Հուլիսի 2018, 12:09
 Դատարանն ԱԳՆ-ից ճշտել է Խաչատուրովի անձեռնմխելի լինել- չլինելու հարցը. Բալայան

Նախքան ՀԱՊԿ գլխավոր քարտուղար Յուրի Խաչատուրովին գրավի դիմաց ազատ արձակելու որոշումը` Երևանի ընդհանուր իրավասության դատարանը դիմել է ՀՀ արտաքին գործերի նախարարություն` ճշտելու, թե արդյո՞ք Խաչատուրովն ունի անձեռնմխելիություն: ՀՀ ԱԳՆ մամալո խոսնակ Տիգրան Բալայանն այսօր լրագրողներին տեղեկացրեց, որ ԱԳՆ-ի պաշտոնական պատասխանը կցված է քրեական գործի նյութերին:

«ՀԱՊԿ գլխավոր քարտուղարի և մյուս պաշտոնյաների անձեռնմխելիության հարցը սահմանվում է ՀԱՊԿ իրավական կարգավիճակի մասին` 2002 թ. հոկտեմբերի 7-ի համաձայնագրում, և կարծում եմ` դատարանը հաշվի է առել մեր պատասխանը որոշում կայացնելիս»,- ասաց նա:

Նշենք, որ հիշյալ համաձայնագիրի համաձայն` ՀԱՊԿ գլխավոր քարտուղարը եւ ՀԱՊԿ պաշտոնատար անձինք ենթակա են պաշտպանության այն պահից, երբ անցել են իրենց պարտականությունների կատարմանը: Ըստ տվյալ համաձայնագրի 19-րդ հոդվածի՝ գլխավոր քարտուղարը, պաշտոնատար անձինք եւ նրանց ընտանիքների անդամները օգտվում են առավելություններից եւ անձեռնմխելիությունից, որը սահմանված է հենց տվյալ համաձայնագրով:

Հիշեցնենք, որ 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով ՀԱՊԿ գլխավոր քարտուղար Յուրի Խաչատուրովին հուլիսի 26-ին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

Հուլիսի 28-ին Երևանի ընդհանուր իրավասության դատարանի դատավոր Դավիթ Բալայանը Խաչատուրովի նկատմամբ որպես այլընտրանքային խափանման միջոց գրավը ճանաչել էր թույլատրելի: Գրավի չափ էր սահմանվել 5 մլն դրամը, ինչը վճարելուց հետո Խաչատուրովն ազատվել էր արգելանքից:

Դատարանի որոշումից հետո հայկական կողմը հայտարարել էր Խաչատուրովի փոխարինման գործընթացը սկսելու մասին, մինչդեռ, ըստ ռուսական կողմի, Հայաստանը պետք է սկսի ՀԱՊԿ գլխավոր քարտուղարի հետկանչի գործընթացը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica