close
Եղանակը Երևանում
25 Սեպտեմբերի 2018
+21°
+27°Ցերեկ
+15°Գիշեր
weather
close
Փոխարժեք
25 Սեպ 2018
USD1481.66
GBP1633.53
EUR1566.62
RUB17.32
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Որևիցե քայլ չպետք է անենք, որից կտուժի ՀԱՊԿ-ի հեղինակությունը. Տիգրան Բալայան

Հասարակություն

31 Հուլիսի 2018, 11:26
 Որևիցե քայլ չպետք է անենք, որից կտուժի ՀԱՊԿ-ի հեղինակությունը. Տիգրան Բալայան

Յուրի Խաչատուրովը դեռևս ՀԱՊԿ գլխավոր քարտուղար է և, քանի դեռ Հավաքական անվտանգության խորհուրդը որոշում չի կայացրել նրա փոխարինման վերաբերյալ, նա շարունակում է մնալ այդ պաշտոնին. այսօր լրագրողների հետ ճեպազրույցում հայտարարեց ՀՀ ԱԳՆ մամլո խոսնակ Տիգրան Բալայանը:

Ըստ նրա` նախկինում եղել է այնպես, որ ՀԱՊԿ գլխավոր քարտուղարը վաղաժամ դադարեցրել է իր լիազորությունները և նրան փոխարինել է առաջին տեղակալը: Բալայանի խոսքով` կոնսենսուսի արդյունքում պետք է որոշվի, թե ով կփոխարինի Խաչատուրովին և ինչ ժամանակահատվածում:

«Մեր քայլն արդեն արել ենք` դիմել ենք ՀԱՊԿ գործընկեր երկրներին` առաջարկելով սկսել փոխարինման գործընթացը: Հայաստանը տրամադրված է նրան, որ որևիցե քայլ չպետք է անենք, որից կտուժի ՀԱՊԿ-ի հեղինակությունը, և մենք շահագրգռված ենք, որ ՀԱՊԿ-ը շարունակի իր բնականոն աշխատանքը: Սրա մասին տեղեկացրել ենք թե' հրապարակային, թե' մեր գործընկերների հետ շփումներում»,- նշեց ԱԳՆ մամուլի խոսնակը:

Տիգրան Բալայանի համոզմամբ` Հայաստանի ներգրավվածությունը ՀԱՊԿ-ում նպաստել է միայն այդ կառույցի ուժեղացմանը: «Կարևորագույն փաստաթղթերը ՀԱՊԿ-ում ընդունվել են հենց մեր նախագահությունների օրոք: Օրինակ` 2009-ին ՀԱՊԿ-ում մեր նախագահության օրոք ընդունվեց «Խաղաղապահ ուժերի ծառայության մասին» համաձայնագիրը»,- նշեց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica