close
Եղանակը Երևանում
22 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
22 Ապր 2019
USD1482.31
GBP1627.00
EUR1542.36
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայտնի են 2018 թվականի լավագույն մարզական ընտանիքները

Սպորտ

30 Հուլիսի 2018, 14:00
 Հայտնի են 2018 թվականի լավագույն մարզական ընտանիքները

Հուլիսի 23-28-ը Ծաղկաձորի գլխավոր մարզահամալիրում հոբելյանական՝ 15-րդ անգամ անցկացվող «Լավագույն մարզական ընտանիք» մրցույթի եզրափակիչ փուլում 167 ընտանիք (որոնցից 23-ը՝ հաշմանդամություն ունեցողներ) մրցել է տարվա լավագույն ընտանիքի տիտղոսին արժանանալու համար:

Ընտանիքները, որոնք ներկայացնում են Հայաստանի Հանրապետության 10 մարզերը, Երևան քաղաքը և Արցախի Հանրապետությունը, պայքարել են 6 մրցաձևերում՝ խաղային փոխանցավազք 30 մ, վարժություն բասկետբոլի գնդակով, ուժային վարժություն (գնդի հրում), խաղային փոխանցավազք` թենիսի գնդակով, հեռացատկ (տեղից), խաղային փոխանցավազք 80 մ (30 մ + 30 մ + 20 մ):

Ըստ տարիքային խմբերի` տարվա լավագույն մարզական ընտանիքներ են հռչակվել` 1-ին տարիքային խմբում` Անդրեասյանների ընտանիքը (ՀՀ Սյունիքի մարզ), 2-րդ տարիքային խմբում՝ Ավագյանների ընտանիքը (ՀՀ Կոտայքի մարզ), 3-րդ տարիքային խմբում՝ Գեղամյանների ընտանիքը (ՀՀ Շիրակի մարզ), 4-րդ տարիքային խմբում` Ալեքսանյանների ընտանիքը (ՀՀ Շիրակի մարզ) և հաշմանդամություն ունեցող անձ ունեցող ընտանիքներից՝ Նազարյանների ընտանիքը (ՀՀ Լոռու մարզ):

Առաջին տեղը զբաղեցրած ընտանիքները պարգևատրվել են 500.000-ական դրամով, 2-րդ տեղը զբաղեցրածները՝ 400.000-ական դրամով, իսկ 3-րդ տեղը զբաղեցրածները՝ 300.000-ական դրամով: Թիմային հաշվարկով մրցանակային տեղեր զբաղեցրած համայնքներն արժանացել են գավաթների:

Այս տարի այդ գավաթներին արժանացել են Երևանի (1-ին տեղ), Կոտայքի (2-րդ տեղ) և Շիրակի (3-րդ տեղ) թիմերը: Չորս խմբերի և հաշմանդամություն ունեցող անձանց (մայր կամ հայր) ընտանիքների ամենակրտսեր մասնակիցներն արժանացան ՀԱՕԿ-ի նախագահ Գագիկ Ծառուկյանի կողմից սահմանված 100.000 ՀՀ դրամ դրամական պարգևներին:

ԱԺ նիստը` ուղիղ
22 Ապրիլի 2019, 10:03 HES_VIDEOԱԺ նիստը` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica