close
Եղանակը Երևանում
16 Հոկտեմբերի 2018
+15°
+22°Ցերեկ
+11°Գիշեր
weather
close
Փոխարժեք
16 Հոկ 2018
USD1484.57
GBP1639.68
EUR1560.79
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նախատեսվում է Արարատյան դաշտավայրի 26 համայնքներում խորքային 38 նոր հորեր հորատել

Հասարակություն

20 Հուլիսի 2018, 18:25
  Նախատեսվում է Արարատյան դաշտավայրի 26 համայնքներում խորքային 38 նոր հորեր հորատել

Ընթացիկ տարվա ոռոգման շրջանում արձանագրվող սակավաջրության և առկա դեֆիցիտի մեղմման նպատակով ՀՀ ԷԵԲՊՆ ջրային կոմիտեն մշակել է միջոցառումներ, որոնք զգալի կբարձրացնեն  ջրապահովման մակարդակը:

Մասնավորապես, նախատեսվում է Արարատյան դաշտավայրի 26 համայնքներում խորքային 38 նոր հոր հորատել, ինչպես նաև գոյություն ունեցող 17 հորերի վերականգնման աշխատանքներ իրականացնել:

Վերջին տարիներին Սև ջուր գետի հոսքերի խիստ նվազման և գրեթե բացակայության արդյունքում առավել առաջնահերթ են համարվում գետի իշխման տակ ընկած 10 համայնքներում խորքային 18 նոր հորերի հորատման, ինչպես նաև եղած՝ 14 հորերի վերականգնման աշխատանքները, որոնք իրականացվելու են առաջին փուլով:

Առավել հրատապ լուծում է պահանջում Զարթոնքի և Արտաշարի պոմպակայանների սպասարկման գոտում գտնվող համայնքների ջրամատակարարումը, որտեղ, սակավաջրությունից բացի, խիստ անհանգստացնող է նաև ջրանցքով անարգել հոսող կոյուղաջրերի փաստը:

Այսօր կրկին Արմավիրի մարզի այդ տարածաշրջան են այցել Ջրային կոմիտեի ներկայացուցիչները,  հանդիպում ունեցել Զարթոնք, Արտաշար, Եղեգնուտ, Երասխահուն, Վարդանաշեն համայնքների ղեկավարների և ՋՕԸ ներկայացուցիչների հետ: Կարեն  Դադոյանը պարզաբանել է, որ կոմիտեում օպերատիվ աշխատանք է տարվում  օր առաջ նոր և վերականգնվող հորերի համար ֆինանսավորման  աղբյուրներ գտնելու նպատակով:

Համայնքների ղեկավարներն ու ՋՕԸ պատասխանատուները  կոմիտեի ներկայացուցչին իրենց անհանգստությունն են  հայտնել ստեղծված իրավիճակի համար և փոխանցել  նաև հարյուրավոր ջրօգտագործողների դժգոհությունը: Գյուղացիները ոռոգման ջրի պակասի պատճառով չեն  կարողանում  լիարժեք մշակել իրենց հողակտորներն ու բերք ստանալ, իսկ ստացվող կեղտաջրերն էլ մեծ սպառնալիք են թե եղած բերքի որակին, թե տեղի բնակչության առողջությանը:

«Ժամանակին Արարատյան դաշտավայրի ստորգետնյա  ջրային պաշարների անհեռատես վատնման  արդյունքում ենք  հայտնվել այս  տխուր վիճակում: Միայն այս տարածաշրջանում վտանգված է շուրջ 1500հա հողերի ջրապահովումը: Ջրամատակարարումը սուր դեֆիցիտի պատճառով անկանոն է,տարածաշրջանը 30 հոր է սպասարկում, նոր հորերի հորատումը չշահագործվող հորերի վերականգնումը հրատապ պահանջ է, որպեսզի կարողանանք Զարթոնքի և Արտաշարի պոմպակայաններիի իշխման տակ ընկած շրջակա գյուղերի հողատարածքներին  բավարար չափով ոռոգման ջուր հասցնել: Սևջուր գետի իշխման տակ ընկած հողատարածքների ջրասակավության մեղմման ելքը նոր հորերի հորատումն է և վթարային հորերի վերականգնումը»,- ասել է Կարեն Դադոյանը:

 Հայաստան-Մակեդոնիա 4:0
16 Հոկտեմբերի 2018, 22:37 Հայաստան-Մակեդոնիա 4:0
Պուտինը կայցելի Փարիզ
16 Հոկտեմբերի 2018, 17:48 Պուտինը կայցելի Փարիզ
Ասադը խոստացել է այցելել Ղրիմ
16 Հոկտեմբերի 2018, 13:09 Ասադը խոստացել է այցելել Ղրիմ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica