close
Եղանակը Երևանում
17 Դեկտեմբերի 2018
+1°
+6°Ցերեկ
+0°Գիշեր
weather
close
Փոխարժեք
17 Դեկ 2018
USD1484.87
GBP1609.92
EUR1547.37
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Հյուսիս-հարավ» ծրագրում բացահայտվել են մի շարք հիմնախնդիրներ․ ի՞նչ կապ ունեն նախկին նախարարները

Հասարակություն

19 Հուլիսի 2018, 16:53
 «Հյուսիս-հարավ» ծրագրում բացահայտվել են մի շարք հիմնախնդիրներ․ ի՞նչ կապ ունեն նախկին նախարարները

Հյուսիս-հարավ ճանապարհային միջանցքի կառուցման վերջնաժամկետն անհայտ է, քանի որ չկա ֆինանսավորում. այսօր Թալինում հայտարարեց տրանսպորտի, կապի և տեխնոլոգիաների նախարար Աշոտ Հակոբյանը: Նա լրագրողներին հայտնեց նաև, որ Հյուսիս-հարավ ճանապարհային միջանցքի ներդրումային ծրագրում տեղ գտած հնարավոր չարաշահումների և հափշտակումների բացահայտմամբ այս պահին զբաղվում են իրավապահները:

Հիշեցնենք, որ այս ճանապարհի շինարարությունը մեկնարկել է 2012-ին՝ տրանսպորտի և կապի` այն ժամանակվա նախարար Գագիկ Բեգլարյանի օրոք:

Դեռ տարեսկզբին ՀՅԴ Բյուրոյի տնտեսական հետազոտությունների գրասենյակը «Հյուսիս-հարավ» ծրագրին նվիրված 4000 էջանոց փաստաթղթային ուսումնասիրություն էր կատարել և հայտնել մի շարք մտահոգություններ:

Թեմայի շուրջ «Առաջին լրատվական»-ի հետ զրույցում ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը ներկայացնում է ուսումնասիրության արդյունքում ի հայտ եկած գլխավոր մտահոգությունները: «Մեր ուսումնասիրության արդյունքում բացահայտվեցին մի շարք հիմնախնդիրներ, որոնք կարելի է դասակարգել չորս խմբի՝ ֆինանսական, կազմակերպական, որակական և ժամկետային: Նախահաշվային, սկզբնական պլանների համաձայն՝ այս ծրագրի իրագործման համար պետք է ծախսվեր 950 մլն դոլար, այն դեպքում, երբ 2017թ. դեկտեմբերին այն ժամանակվա նախարար Վահան Մարտիրոսյանը հայտարարեց, որ ծրագիրն ավարտին հասցնելու համար անհրաժեշտ է 2 մլրդ գումար, ինչը կասկածի տակ է դնում այս ծրագրի տնտեսական նպատակահարմարությունը և արդյունավետությունը»,- աում է Պարսյանը:

Մանրամասն՝ տեսանյութում:

Սուրբ Մինաս եկեղեցու ուխտի օր
16 Դեկտեմբերի 2018, 20:15 Սուրբ Մինաս եկեղեցու ուխտի օր
Վարպետ Մեսրոպի կտակը
16 Դեկտեմբերի 2018, 19:38 Վարպետ Մեսրոպի կտակը
7 օր առաջնագծում
15 Դեկտեմբերի 2018, 15:05 7 օր առաջնագծում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica