close
Եղանակը Երևանում
20 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
20 Ապր 2019
USD1482.31
GBP1627.00
EUR1542.36
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ճապոնիան պատրաստվում է ամբողջությամբ դադարեցնել նավթի ներմուծումը Իրանից

Աշխարհ

19 Հուլիսի 2018, 12:21
 Ճապոնիան պատրաստվում է ամբողջությամբ դադարեցնել նավթի ներմուծումը Իրանից

Ճապոնիայի նավթային ընկերությունները պատրաստվում են ամբողջությամբ դադարեցնել նավթի ներմուծումը Իրանից: Այդ մասին այսօր, ըստ ТАСС-ի, տեղեկացրել է ճապոնական Nikkei գործարար թերթը: 

Պարբերականի տվյալներով` իրանական նավթի ներմուծումն ամբողջությամբ կդադարեցվի  մինչև հոկտեմբեր, իսկ որպես այլընտրանքային աղբյուր դիտարկվում են Սաուդյան Արաբիան և ԱՄԷ-ն:

Ըստ թերթի` ճապոնական ներմուծողները ԱՄՆ-ի կողմից նախազգուշացվել են, որ 2018-ի նոյեմբերից Թեհրանի դեմ պատժամիջոցները ծրագրում են վերականգնել, և եթե ճապոնական ընկերությունները շարունակեն իրանական նավթ ներմուծել, նրանց նկատմամբ տուգանքներ կկիրառվեն:

Այս ֆոնին ճապոնական բանկերը նույնպես տեղեկացրել են ազգային նավթային ընկերություններին, որ դադարեցնում են իրանական նավթի հետ կապված տրանզակցիաների իրականացումը, ինչը գործնականում անհնար է դարձնում իրանական նավթի գնումը:

Հիշեցնենք, որ ԱՄՆ նախագահ Դոնալդ Թրամփը մայիսի 8-ին հայտարարեց, որ Վաշինգտոնը միակողմանիորեն դուրս է գալիս Իրանի միջուկային գործարքից:

Այսօր Ավագ Ուրբաթ է
19 Ապրիլի 2019, 16:00 Այսօր Ավագ Ուրբաթ է
yerkir.am
Ամենաշատ ընթերցվածները
Yandex.Metrica