close
Եղանակը Երևանում
19 Նոյեմբերի 2018
+0°
+9°Ցերեկ
+0°Գիշեր
weather
close
Փոխարժեք
19 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ոստիկանությունում կարևորվել է հայ-իրանական համագործակցությունը հատկապես թմրանյութերի անօրինական շրջանառության դեմ պայքարում

Իրավունք

12 Հուլիսի 2018, 19:40
 Ոստիկանությունում կարևորվել է հայ-իրանական համագործակցությունը հատկապես թմրանյութերի անօրինական շրջանառության դեմ պայքարում

Հուլիսի 12-ին ոստիկանության պետ Վալերիյ Օսիպյանն ընդունեց Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին:
Ողջունելով հյուրին՝ ոստիկանության պետն ընդգծեց երկու երկրների բարեկամական հարաբերությունները, որոնց համատեսքսում նաև սերտ համագործակցությունը իրավապահ կառույցների միջև, որը գնալով զարգանում է:

Սեյեդ Քազեմ Սաջադին էլ իր հերթին, շնորհակալություն հայտնելով ջերմ ընդունելության համար, շնորհավորեց Վալերիյ Օսիպյանին ոստիկանության պետ նշանակվելու կապակցությամբ ու փոխանցեց Իրանի ոստիկանության պետի հրավերը: Դեսպանը համոզմունք հայտնեց, որ երկու երկրների իրավապահ կառույցների ղեկավարների հանդիպումներով է՛լ ավելի կզարգանա գերատեսչությունների համագործակցությունը: Խոսվեց նաև, որ հանդիպումները ոստիկանության սահմանային ստորաբաժանումների անձնակազմերի միջև ևս փոխշահավետ կլինի: 
Կարևորվեց երկու երկրների համագործակցությունը հատկապես թմրանյութերի անօրինական շրջանառության դեմ պայքարում ու հետախուզվողների հայտնաբերման գործում:
Իրանի Իսլամական Հանրապետության արտակարգ և լիազոր դեսպանը նշեց, որ իրանցի զբոսաշրջիկները Հայաստանում մշտապես արժանացել են լավ վերաբերմունքի, և նրանց անվտանգությունն ապահովելու հարցում գնահատելի դեր ունի ոստիկանությունը:

Դեսպանը հայտնեց, որ վերջին շրջանում նկատվում է իրանցի գործարարների հետաքրքրության ակտիվություն՝ Հայաստանում բիզնես ծրագրեր սկսելու հարցում:
Ոստիկանության պետը երաշխավորեց, որ մեր երկրում թե՛ իրանցի զբոսաշրջիկները, թե՛ գործարարները իրենց ապահով ու անվտանգ կզգան:
Հանդիպմանը քննարկվեցին նաև փոխադարձ հետքրքրություն ներկայացնող այլ հարցեր:

Օդի ջերմաստիճանը չի փոխվի
18 Նոյեմբերի 2018, 16:27 Օդի ջերմաստիճանը չի փոխվի
Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica