close
Եղանակը Երևանում
24 Սեպտեմբերի 2018
+16°
+26°Ցերեկ
+12°Գիշեր
weather
close
Փոխարժեք
24 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ասել են, որ հնարավոր է՝ Ամուլսարի պատմությունը սարքել են ՀՀ-ին դատական գործերի մեջ ներքաշելու համար. Փաշինյան

Քաղաքական

6 Հուլիսի 2018, 12:02
 Ասել են, որ հնարավոր է՝ Ամուլսարի պատմությունը սարքել են ՀՀ-ին դատական գործերի մեջ ներքաշելու համար. Փաշինյան

Ինձ՝ որպես վարչապետի, ասել են, որ տեսականորեն կարող է լինել այնպիսի վարկած, որ իրականում շատ հնարավոր է, որ այս ամբողջ պատմության իմաստն այն է, որ ինչ-որ մարդիկ պարզապես ուզում են ստեղծել իրավիճակ, որպեսզի Հայաստանին մեծ դատական գործընթացների մեջ ներքաշեն. Ջերմուկում «Լիդիան Արմենիա» ընկերության ներկայացուցիչների և Ամուլսարի հանքի շահագործման դեմ բողոքի ակցիա իրականացնողների հետ հանդիպման ժամանակ ասաց ՀՀ վարչապետ Նիկոլ Փաշինյանը: Նա հավելեց, որ սա ընդամենը կարծիք է, վարկած:

«Ես չեմ ասում` նման բան կա կամ չկա, ես ուղղակի հարկ եմ համարում գծել այն քարտեզը, որի առջև կանգնած ենք: Այս իրավիճակից ինձ ամենաշատը մտահոգում է այն, որ այս իրավիճակում կլինեն մարդիկ, որ կասեն՝ մեզ փաստերը չեն հետաքրքրում, քանի որ մենք ունենք մեր ճշմարտությունը: Ես հույս ունեմ, որ ներկաներից որևէ մեկը որևէ կասկած չունի, որ մենք և կոնկրետ ես այս հարցում չունենք ոչ մի այլ շահագրգռվածություն, քան Հայաստանի Հանրապետության շահը: Ամեն ծառն ինձ համար ավելի թանկ է, քան որևէ այլ երևույթ: Սակայն վարչապետի կարգավիճակում ես պարտավոր եմ լինել հավասարակշռված ու չեմ կարող միայն շահերի մի խումբ հաշվի առնել»,- ասաց վարչապետը:

Նրա խոսքով՝ Ամուլսարի հետ կապված կարևոր է, թե արդյո՞ք հանքի շահագործումը բացասական ազդեցություն է ունենալու ջրի վրա: Փաշինյանը նշեց, որ տեսականորեն հարցի պատասխանը երկու տարբերակ ունի՝ այո կամ ոչ։ «Եկեք ստեղծենք վստահելի մեխանիզմ, որ ունենանք սպառիչ պատասխան այս հարցին»,- ընդգծեց ՀՀ վարչապետը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica