close
Եղանակը Երևանում
14 Նոյեմբերի 2018
+5°
+9°Ցերեկ
+5°Գիշեր
weather
close
Փոխարժեք
14 Նմբ 2018
USD1487.96
GBP1632.69
EUR1549.93
RUB17.21
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կանխարգելիչ գործողություններ պետք է էլի լինեն. քաղաքագետը` Նախիջևանում ադրբեջանական դիրքի ավերման մասին

Հասարակություն

2 Հուլիսի 2018, 14:42
 Կանխարգելիչ գործողություններ պետք է էլի լինեն. քաղաքագետը` Նախիջևանում ադրբեջանական դիրքի ավերման մասին

Թավշյա հեղափոխություներից հետո փոփոխություն է նկատվում նաև Հայաստանի ռազմական քաղաքականության մեջ: Այս մասին այսօր լրագրողներին ասաց քաղաքագետ Լևոն Շիրինյանը: Նրա գնահատմամբ` Ադրբեջանի հետ հարաբերություններում Հայաստանի ռազմավարությունը պաշտպանողականից վերածվում է կանխարգելիչի: Դրա վառ օրինակը, ըստ քաղաքագետի` Նախիջևանի հատվածում ՀՀ ԶՈՒ կողմից ադրբեջանական նոր կառուցված դիրքի ամբողջական ոչնչացումն էր:

«Պետք է ողջունել Հայաստանի ռազմական ղեկավարության տեսակետի փոփոխությունը: Կարծում եմ` նմանօրինակ գործողություններ պետք է ձեռնարկվեն բոլոր այն ուղղություններով, որտեղ ադրբեջանական կողմը կփորձի առաջխաղացում ցուցաբերել»,- ասաց նա:

Շիրինյանի խոսքով` նախիջևանյան թևում իրականացվող գործողությունների ֆոնին պետք է շահարկել Նախիջևանի` հայկական տարածք լինելու հարցը: «Չպետք է վախենալ սահմանային կուտակումներից, գործընթացը սկսվել է, բանակում սպայական կազմի տրամադրությունները նույնպես փոխվել են, այսինքն` մարտական տրամադրությունը լավ վիճակում է: Պետք է դադարեցնել տարածքներ հանձնելու, նահանջողական տրամադրություններ ստեղծելու գործընթացը, պետք է շաժվել առաջ, պետք է միջազգային հարթակներում բարձրացնել Նախիջևանի` հայկական տարածք լինելու հարցը»,- ասաց նա:

Շիրինյանը նշեց, որ նախիջևանյան թևում գործողություններ իրականացնելիս Ադրբեջանը պետք է նաև հիշի, որ գործ ունի ոչ միայն Հայաստանի, այլև Թուրքիայի և Ռուսաստանի հետ: «Նախիջևանը միջազգային իրավունքի կոպիտ խախտմամբ Հայաստանից վերցված տարածք է: 1920-ի մարտի 16-ի պայմանագրի համաձայն` Նախիջևանի երաշխավորները երկու պետություններ են` Ռուսաստանն ու Թուրքիան, իսկ դա նշանակում է, որ այս փուլում Ռուսաստանին հնարավոր չի լինի քաշել այդ խաղի մեջ»,- ասաց նա:

Սպասվում է անձրև
14 Նոյեմբերի 2018, 18:03 Սպասվում է անձրև
Եվս մեկ շաբաթ անորոշություն
14 Նոյեմբերի 2018, 17:26 Եվս մեկ շաբաթ անորոշություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica