close
Եղանակը Երևանում
21 Նոյեմբերի 2018
+9°
+11°Ցերեկ
+2°Գիշեր
weather
close
Փոխարժեք
21 Նմբ 2018
USD1484.29
GBP1618.87
EUR1551.32
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Այս ընտրությունների արդյունքում Թուրքիայում կտեսնենք ավելի միանձնյա ղեկավարում. Ռուբեն Սաֆրաստյան

Իրավունք

25 Հունիսի 2018, 14:15
 Այս ընտրությունների արդյունքում Թուրքիայում կտեսնենք ավելի միանձնյա ղեկավարում. Ռուբեն Սաֆրաստյան

Մոտակա տարիներին Թուրքիայում կտեսնենք էլ ավելի միանձնյա ղեկավարում. այսօր լրագրողներին կարծիք հայտնեց ԳԱԱ արևելագիտության ինստիտուտի տնօրեն, թուրքագետ Ռուբեն Սաֆրաստյանը` անդրադառնալով նախօրեին Թուրքիայում կայացած արտահերթ նախագահական և խորհրդարանական ընտրությունների արդյունքներին:

Հիշեցնենք, որ գործող նախագահ Ռեջեփ Թայիփ Էրդողանը հաղթել է ընտրություններում ձայների 52,5%-ով: Խորհրդարանական ընտրություններում ևս հաղթել է իշխող «Արդարություն եւ զարգացում» կուսակցությունը, որը, ըստ քվեաթերթիկների 98 տոկոսի մշակման արդյունքների, հավաքել է ձայների 42.4 տոկոսը:

Նշենք, որ ընտրությունների արդյունքում քրդամետ Ժողովուրդների դեմոկրատական կուսակցությունը հաղթահարել է խորհրդարան անցնելու 10-տոկոսանոց շեմը: Թուրքագետի կարծիքով` քրդամետ կուսակցության՝ խորհրդարան անցնելը վկայում է այն մասին, որ քրդական հարցը պահպանում է իր սրությունը Թուրքիայում, և առաջիկա տարիներին ավելի լուրջ սրացումներ կլինեն:

Ռուբեն Սաֆրաստյանի խոսքով` Թուրքիայի արտաքին քաղաքականության մեջ կշարունակվի արտահայտվել պանթյուրքիստական ուղղվածությունը: Ըստ նրա` Էրդողանը որոշակի փոփոխությունների է գնում` հօգուտ պանթյուրքիստների:

Թուրքագետի գնահատմամբ` այս ընտրություններից հետո Թուրքիայի և Հայաստանի հարաբերություններում առաջընթաց չի լինի: «Ներկայումս Թուրքիան իր արտաքին քաղաքականությունը կենտրոնացրել է հիմնականում Մերձավոր Արևելքում և Սիրիայում, այստեղ է Թուրքիան խնդիրներ լուծում: Կարծում եմ` Հարավային Կովկասում Թուրքիան տեսանելի ապագայում ակտիվություն դժվար թե ցուցաբերի»,- ասաց նա:

Խոսելով Թուրքիայի խորհրդարան անցած հայ պատգամավոր Կարո Փայլանի տարած հաղթանակի մասին, Սաֆրաստյանը նշեց, որ Փայլանի տպավորիչ հաղթանակը վկայում է նրա ունեցած մեծ հեղինակության մասին: Նա հիշեցրեց, որ նախորդ ընտրություններում Փայլանը հաղթանակ էր տարել Ստամբուլի ընտրական տեղամասերից մեկում, սակայն այս ընտրություններում կուսակցությունն ապահովագրեց Փայլանին` նրա դեմ կատարվող ճնշումների ֆոնին նրա թեկնածությունն առաջադրելով Դիարբեքիրում, որտեղ քրդերն ավելի շատ են:

«Ես համոզված եմ, որ նա, լինելով Հրանտ Դինքի գործի շարունակողը, երբեք չի վախենա և կշարունակի իր հայամետ քաղաքականությունը»,- ասաց թուրքագետը:

Հիշեցնենք, որ Թուրքիայի խորհրդարանական ընտրություններում քրդական Ժողովուրդների դեմոկրատական կուսակցության կողմից Դիարբեքիրում առաջադրված Կարո Փայլանի կուսակցությունը հավաքել է 65 տոկոս ձայն։

Լավրովին հրավիրել են Իրաք
21 Նոյեմբերի 2018, 16:31 Լավրովին հրավիրել են Իրաք
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica