close
Եղանակը Երևանում
24 Սեպտեմբերի 2018
+16°
+26°Ցերեկ
+12°Գիշեր
weather
close
Փոխարժեք
24 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մանվել Գրիգորյանին կպաշտպանի արդեն 5 փաստաբան

Իրավունք

21 Հունիսի 2018, 14:01
 Մանվել Գրիգորյանին կպաշտպանի արդեն 5 փաստաբան

Հունիսի 19-ին Երևանի ընդհանուր իրավասության դատարանի որոշմամբ երկու ամսով կալանավորված ԱԺ պատգամավոր, ԵԿՄ նախագահ Մանվել Գրիգորյանին ևս մեկ փաստաբան կպաշտպանի: Խոսքը փաստաբան Լևոն Բաղդասարյանի մասին է, ով հանրությանը հայտնի է մի շարք հնչեղ գործերով, այդ թվում` 2015-ին Նորք-Մարաշում վնասազերծված հանցավոր խմբի գործով:

Բաղդասարյանը Yerkir.am-ի հետ զրույցում ասաց, որ գործում ներգրավվել է Գրիգորյանի հարազատների հորդորով: Նա հայտնեց, որ առաջիկայում մամուլի ասուլիս կտա և կպատասխանի լրագրողների` գործի վերաբերյալ հարցերին:

Նշենք, որ մինչ այս Գրիգորյանի շահերը ներկայացնում էր 4  փաստաբան` Կարեն Քամալյանը, Արայիկ Ալվանյանը, Արսեն Մկրտչյանը և Գուրգեն Գրիգորյանը:

Հարցին, թե 5 պաշտպանը շատ չէ՞ գործի համար, Բաղդասարյանը պատասխանեց. «Յուրաքանչյուրն ինքն է որոշում, թե քանի փաստաբան իրեն պաշտպանի, դա մեղադրյալի իրավունքն է: Հաշվի առնելով քրեական գործի ծավալներն ու բարդությունը` կարծում եմ, որ նորմալ է»:

Նշենք, որ Մանվել Գրիգորյանին մեղադրանք է առաջադրվել ապօրինի կերպով ռազմամթերք ձեռք բերելու և նրա կնոջ` Նազիկ Ամիրյանի, դստեր` Այծեմնիկ Գրիգորյանի, Էջմիածին քաղաքի բնակիչներ Սեյրան Ազարյանի, Արմեն Հակոբյանի և այլ անձանց հետ նախնական համաձայնությամբ իրեն պատկանող առանձնատներում պահելու համար, ինչպես նաև մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica