close
Եղանակը Երևանում
22 Սեպտեմբերի 2018
+18°
+24°Ցերեկ
+15°Գիշեր
weather
close
Փոխարժեք
22 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մանվել Գրիգորյանը ելքեր է փնտրում ու խուսափում խղճի հետ երկխոսությունից. հոգեբան

Քաղաքական

20 Հունիսի 2018, 12:14
 Մանվել Գրիգորյանը ելքեր է փնտրում ու խուսափում խղճի հետ երկխոսությունից. հոգեբան

Մանվել Գրիգորյանը հիմա խուսափում է իր խղճի հետ երկխոսությունից, նա ավելի շուտ ելքեր է փնտրում. լրագրողների հետ զրույցում կարծիք հայտնեց հոգեբան Սամվել Խուդոյանը:

Նրա խոսքով՝ Գրիգորյանը հիմա, հավանաբար, մտածում է՝ ո՞վ չի թալանել: «Թեև Գրիգորյանը խղճի խայթ կունենա, իր խղճի հետ կոնֆլիկտի մեջ է, բայց ավելի շատ ելքեր է փնտրում: Գուցե մտածում է՝ մենակ չի կերել այդ ամենը՝ տղերքին է տվել, արջերին է բաժին հանել… Սակայն պետք է ասեմ նաև, որ ոչ ոք ի սկզբանե հիվանդ չի լինում, իսկ բարոյական հիվանդությունը կարող է վարակիչ լինել. նախորդ իշխանությունը հերթով վարակում էր մեկը մյուսին: Ես համոզված եմ, որ Մանվել Գրիգորյանն էլ ինչ-որ պահի իդեալական մարդ է եղել, ով գնացել է իր հայրենիքի համար կռվելու, բայց հետո կամաց-կամաց փոխվել է»,- ասաց Խուդոյանը:

Հոգեբանի խոսքով՝ խնդիրն այն էր, որ մարդիկ, ովքեր տարիներ շարունակ զբաղված էին թալանով, մտածում էին՝ ամեն ինչ մարսելու են, ու եթե հնարավոր էր գողանալ, գողանում էին:

Ինչ վերաբերում է ԱԱԾ-ի՝ Մանվել Գրիգորյանի ամառանոցից հրապարակած տեսանյութին, ապա, Խուդոյանի գնահատմամբ, այն շատ ազդեց ժողովրդի վրա, քանի որ ոչ ոք չէր պատկերացնում, որ մարդը կարող է իջնել այդ մակարդակին: «Գիտեին, որ թալան կա, բայց չէին պատկերացնում, որ այս աստիճանի կլինի: Ժողովրդի մեջ ամենահզոր պահն այն է, որ արթնացել է արդարության հզոր զգացումը: Կարծում եմ` ավելի հզոր թալանչիներ կբացահայտվեն: Հիմա է սկսվել իսկական հեղափոխությունը: Պաշտոնյաները շատ վախեցած են, սպասում են, որ կգնան ու կասեն՝ բա քո աշխատավարձն այսքան է, ինչպե՞ս ես այս միլիոնները կուտակել»,- ասաց նա:

Հոգեբանը նշեց նաև, որ ժողովուրդը շուտով շատերի մասին ինֆորմացիա կտա, քանի որ պետությունից թալանվածը պետք է հետ վերադարձվի:  

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica