close
Եղանակը Երևանում
21 Սեպտեմբերի 2018
+20°
+26°Ցերեկ
+15°Գիշեր
weather
close
Փոխարժեք
21 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Առաջին ընթերցմամբ ընդունվեց կուտակայինի պարտադիր բաղադրիչը. ՀՅԴ-ն ձեռնպահ քվեարկեց, մյուսները՝ կողմ

Քաղաքական

20 Հունիսի 2018, 11:35
 Առաջին ընթերցմամբ ընդունվեց կուտակայինի պարտադիր բաղադրիչը. ՀՅԴ-ն ձեռնպահ քվեարկեց, մյուսները՝ կողմ

Խորհրդարանն առաջին ընթերցմամբ ընդունեց կառավարության ներկայացրած նախագիծը, որով հուլիսի 1-ից կուտակայինի պարտադիր բաղադրիչն ուժի մեջ կմտնի: Միայն ԱԺ ՀՅԴ խմբակցությունը ձեռնպահ քվեարկեց նախագծին: ՀՀԿ, «Ծառուկյան», «Ելք» խմբակցությունները կողմ քվեարկեցին:

Նախքան քվեարկությունը վարման կարգով խոսեց «Ծառուկյան» խմբակցության պատգամավոր Նաիրա Զոհրաբյանը: Նա հայտարարեց, որ «Ծառուկյան» դաշինքը մշտապես դեմ է արտահայտվել պարտադիր բաղադրիչի ներդրմանը: «Մեր սկզբունքային դիրքորոշումը չենք փոխել: Այդուհանդերձ, ներկայացված տարբերակը որոշակի մեղմում է երիտասարդ ընտանիքների բեռը: Քննարկելով գործընկերների հետ` կքվեարկենք կողմ՝ պայմանով, որ կառավարության հետ շարունակելու ենք քննարկումները պարտադիր բաղադրիչն ընդհանրապես հանելու համար»,- ասաց պատգամավորը:

Վարման կարգով խոսեց նաև ՀՅԴ խմբակցության ղեկավար Արմեն Ռուստամյանը: Նա նույնպես հիշեցրեց՝ իրենց սկզբունքային դիրքորոշումը հայտնել են, բայց այս նախագծին կքվեարկեն ձեռնպահ: «Մենք այս նախագծին ձեռնպահ ենք քվեարկելու, որովհետև պարունակում է բարելավում, բայց չի լուծում կարևոր հարցը՝ պարտադիր բաղադրիչի վերացման հարցը, որի դեմ պայքարել ենք երկար տարիներ: Այն առաջացնում է լուրջ խնդիրներ՝ խափանում և խաթարում է սերունդների համերաշխության սկզբունքը, խաթարում է անձի սեփականության իրավունքը և ստիպում, որ մարդը, այսօրվա իր հարցերը չլուծած, գումար հետ գցի վաղվա համար»,- ասաց նա:

«Ելք» խմբակցության պատգամավոր Էդմոն Մարուքյանն էլ ասաց, որ այսօր իրավիճակն այնպիսին է, որ սա հրատապ քայլ է և պետք է կատարվի: «Սակայն կառավարությունն էլ ասում է, որ պարտադիր բաղադրիչի էջը փակված չէ, բայց քանի որ կա բարելավում, կողմ կքվեարկենք»,- նշեց նա:

Մահացել է Վիետնամի նախագահը
21 Սեպտեմբերի 2018, 10:12 Մահացել է Վիետնամի նախագահը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica