close
Եղանակը Երևանում
15 Նոյեմբերի 2018
+9°
+12°Ցերեկ
+4°Գիշեր
weather
close
Փոխարժեք
15 Նմբ 2018
USD1487.27
GBP1622.97
EUR1549.69
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱԺ-ն համաձայնեց նաև Մանվել Գրիգորյանին կալանավորելու միջնորդությանը

Իրավունք

19 Հունիսի 2018, 14:13
 ԱԺ-ն համաձայնեց նաև Մանվել Գրիգորյանին կալանավորելու միջնորդությանը

Քիչ առաջ ԱԺ-ն փակ, գաղտնի քվեարկությամբ որոշեց համաձայնություն տալ ԱԺ պատգամավոր Մանվել Գրիգորյանին ազատությունից զրկելու միջնորդությանը:

ԱԺ 104 պատգամավորներից քվեարկությանը մասնակցել է 82-ը: Քվեարկության արդյունքներով` կողմ է քվեարկել 77 պատգամավոր, դեմ` 3-ը: Անվավեր է ճանաչվել երկու քվեաթերթիկ:

Ավելի վաղ ԱԺ-ն ձայների` 81 կողմ, 3 դեմ հարաբերակցությամբ որոշել էր համաձայնություն տալ ԱԺ պատգամավոր Մանվել Գրիգորյանի նկատմամբ քրեական հետապնդում հարուցելու միջնորդությանը:

Հիշեցնենք, որ ԱԺ պատգամավոր Մանվել Գրիգորյանի նկատմամբ քրեական հետապնդում հարուցելուն, նրան որպես մեղադրյալ ներգրավելուն և մեղադրանք առաջադրելուն, նրա նկատմամբ որպես խափանման միջոց կալանավորումը կիրառելուն համաձայնություն տալու վերաբերյալ միջնորդագիր էր ներկայացրել գլխավոր դատախազ Արթուր Դավթյանը: 

Մանվել Գրիգորյանին մեղադրանք է առաջադրվել ապօրինի կերպով ռազմամթերք ձեռք բերելու և նրա կնոջ` Նազիկ Ամիրյանի, դստեր` Այծեմնիկ Գրիգորյանի, Էջմիածին քաղաքի բնակիչներ Սեյրան Ազարյանի, Արմեն Հակոբյանի և այլ անձանց հետ նախնական համաձայնությամբ իրեն պատկանող առանձնատներում պահելու համար, ինչպես նաև մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափերով ուրիշի գույք հափշտակելու համար:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica