close
Եղանակը Երևանում
23 Սեպտեմբերի 2018
+19°
+23°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

2001-ից սկսած` չի արձանագրվել դոնորական արյան մի­ջոցով ՄԻԱՎ-ի փոխանցման որևէ դեպք

Հասարակություն

18 Հունիսի 2018, 17:42
 2001-ից սկսած`  չի արձանագրվել դոնորական արյան մի­ջոցով ՄԻԱՎ-ի փոխանցման որևէ դեպք

ՄԻԱՎ/ՁԻԱՀ վարակի կանխարգելման, բուժման, ծառայությունների որակի բարձրացման քայլերն են քննարկվել առողջապահության նախարար Արսեն Թորոսյանի եւ ՄԱԿ-ի ՄԻԱՎ/ՁԻԱՀ-ի միացյալ ծրագրի տարածաշրջանային տնօրեն Վինեյ Սալդանայի հանդիպման ժամանակ:

Ընդգծվել է, որ Հայաստանը մեծ փորձ է կուտակել ՄԻԱՎ/ՁԻԱՀ-ի հակազդման, իրավիճակը վերահսկելի պահելու առումով՝ տարածաշրջանի երկրների շարքում զբաղեցնելով առաջատար դիրքեր: Վերահսկվում է ՄԻԱՎ-ի փոխանցման տեսանկյունից դոնորական արյան անվտանգությունը, ինչի արդյունքում 2001թ.-ից սկսած  հանրապետությունում չի արձանագրվել դոնորական արյան մի­ջոցով ՄԻԱՎ-ի փոխանցման որևէ դեպք:

ՀՀ-ում արձանագրվել է ՁԻԱՀ-ի դեմ պայքարի աննախադեպ ձեռք­բերում` համաճարակի ոչ միայն կասեցում, այլև վերադարձ խտացման փուլից նախնականին: Ներկայումս ռիսկային վարքագիծ ունեցող խմբերից և ոչ մեկում ՄԻԱՎ-ի տարածվածությունը չի գերազանցում 5%-ը, իսկ հղիների շրջանում այն ցածր է 1%-ից: Մորից երեխային ՄԻԱՎ-ի փոխանցման վերացման առումով եւս բարձր արդյունքներ են գրանցվել:

  Միաժամանակ, Վինեյ Սալդանան նկատել է, որ Հայաստանում գրանցվող նոր դեպքերը բերվում են աշխատանքային միգրանտների կողմից, մասնավորապես, ՌԴ-ից, ուստի առկա ռիսկերը նվազեցնելու քաղաքականությունը պետք է տարածվի նաեւ երկրից դուրս: ՌԴ օգնության ծրագրի շրջանակում ՀՀ-ում ՄԻԱՎ-ի նկատմամբ ամենախոցելի խմբի` միգրանտների և նրանց զուգընկերների շրջանում իրականացվում է միացյալ ծրագիր, տրամադրվել են ՄԻԱՎ վարակին առնչվող ծառայություններ: Այս առումով քննարկվել է նաեւ Ռուսաստանի հետ ՄԻԱՎ վարակի վերաբերյալ իրազեկման, տարածման կանխմանն ուղղված եւ այդ ուղղությամբ այլ աշխատանքներն առավել արդյունավետ դարձնելու հարցը:

ՄԱՁԻԱՀ-ի աջակցությամբ մշակվել և 2017թ. ՀՀ կառավարության հավանությունն է ստացել չորրորդ՝ «Հայաստանի Հանրապետությունում ՀՀ-ում 2017-2021թթ. ՄԻԱՎ/ՁԻԱՀ-ի կանխարգելման պետական նպատակային ծրագիրը», որի շրջանակներում եւ ընթանում է գործակցությունը:

Արսեն Թորոսյանը կարեւորել է ՄԱԿ-ի ՄԻԱՎ/ՁԻԱՀ-ի միացյալ ծրագրի արդյունքներն ու դրանից սպասելիքները: Երկուստեք շեշտվել է փոխշահավետ համագործակցությունը շարունակելու, ամրապնդելու հարցը:

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica