close
Եղանակը Երևանում
23 Սեպտեմբերի 2018
+19°
+24°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մանվել Գրիգորյանի կողմից պահվող վայրի կենդանիները հնարավոր է խեղված էլ լինեն

Հասարակություն

18 Հունիսի 2018, 16:43
 Մանվել Գրիգորյանի կողմից պահվող վայրի կենդանիները հնարավոր է խեղված էլ լինեն

Տեղեկացրել էինք, որ Վայրի բնության փրկարար կենտրոնը հայտարարությամբ է հանդես եկել՝ նշելով, որ պատրաստակամ են իրենց միջոցներով և իրենց հաշվին կատարել ԱԺ պատգամավոր Մանվել Գրիգորյանին պատկանող տարածքում պահվող վայրի կենդանատեսակների անվտանգ տեղափոխումը համապատասխան մասնագիտացված տարածք:

Կենտրոնից Yerkir.am-ին տեղեկացրեցին, որ կենդանիներն առաջին հերթին բուժզննության կարիք ունեն: Կենտրոնի աշխատակիցներից նշեցին, որ, հաշվի առնելով նախկին սննդակարգը, կարելի է ենթադրել նաև, որ կենդանիները կարող են լուրջ առողջական խնդիրներ ունենալ:

«Յուրաքանչյուր կենդանի հատուկ սննդակարգի կարիք ունի: Պետք է հատուկ սնունդ՝ ատամների ամրացման համար, մեկ այլ բան՝ մաշկի համար… Մեզ անհրաժեշտ է նաև պարզել՝ ինչպե՞ս է վագրը եկել Հայաստան, որտեղի՞ց, վագրի ո՞ր ենթատեսակն է: Գուցե զննելուց հետո պարզվի՝ նա խեղված է և վարքագծային փոփոխություններ ունի»,- տեղեկացրեցին կենտրոնից:

Վայրի բնության փրկարար կենտրոնից հայտնեցին նաև, որ պետք է համապատասխան բժշկական հաստատումներից հետո միայն որոշվի կենդանիներին պահելու վայրը՝ կարո՞ղ են նրանք մնալ կենդանաբանական այգում՝ մյուս կենդանիների կողքին, թե՞ մեկ այլ վայր պետք է տեղափոխվեն:

Նշենք նաև, որ իրականում վագրին պահելը թանկ է նստում առհասարակ, քանի որ հատուկ սննդակարգ է անհրաժեշտ, ստուգումներ, բուժումներ…

Լուսանկարը՝ Klaus Sparwasser-ի

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica