close
Եղանակը Երևանում
23 Սեպտեմբերի 2018
+19°
+23°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պարոն Վանեցյան, մի արեք այնպես, որ ձեր սերունդները ձեզանից ամաչեն. Մանվել Գրիգորյանի կողմնակիցները վճռական են

Քաղաքական

17 Հունիսի 2018, 12:32
 Պարոն Վանեցյան, մի արեք այնպես, որ ձեր սերունդները ձեզանից ամաչեն. Մանվել Գրիգորյանի կողմնակիցները վճռական են

Արդեն երրորդ օրն է` ինչ Էջմիածնում պահպանվում է լարված ներքաղաքական վիճակը: Նույն քաղաքում միաժամանակ տեղի են ունենում բողոքի ցույցեր Էջմիածնի քաղաքապետի կողմնակիցների և նրա հրաժարականը պահանջողների մասնակցությամբ: Երեկ ցույցերին զուգահեռ ԱԱԾ բերման ենթարկեց, ապա ձերբակալեց Արթուր Ասատրյանին` Դոն Պիպոյին և ԱԺ ՀՀԿ խմբակցության պատգամավոր Մանվել Գրիգորյանին:

Վերջինիս որդին` Էջմիածնի քաղաքապետ Կարեն Գրիգորյանը նստացույց սկսեց Էջմիածնի կենտրոնական հրապարակում: Երեկ ուշ երեկոյան Մանվել Գրիգորյանի կողմնակիցները հավաքվել էին ԱԱԾ շենքի մոտ` բողոքի ակցիա իրականացնելով ու պահանջելով Մանվել Գրիգորյանին ազատ արձակել: Անգամ փոքր ընդհարում եղավ ոստիկանների ու ցույցի մասնակիցների միջև, քանի որ վերջիններս փորձեցին փողոցները փակել:

 ՀՀԿ-ն և ԵԿՄ-ն հանդես եկան հայտարարություններով, որտեղ դատապարտեցին ԱԱԾ գործողությունները` համարելով դրանք հակասական և ոչ իրավաչափ, իսկ Մանվել Գրիգորյանին առաջադրված մեղադրանքը` շինծու:

Այսօր բողոքի ցույցերը վերսկսվել են Էջմիածնում և Երևանում` ԱԱԾ շենքի դիմաց: ԱԱԾ դիմաց ընդհարում տեղի ունեցավ ցուցարարների և ոստիկանների միջև, որից հետո բողոքի ակցիայի մասնակիցները քայլերթ սկսեցին:

Մանվել Գրիգորյանի կողմնակիցները բարձրախոսով դիմեցին ԱԱԾ պետ Արթուր Վանեցյանին:

«Պարոն Վանեցյան, մի արա այնպես, որ քո սերունդը քեզանից ամաչի: Կեցցե սիրո և հանդուրժողական հեղափոխության 37 թվականը,  կեցցե սովետական ԿԿԲ-ի ռեժիմը: Կեցցե բռնություն իրականացնող ոստիկանը: Դավիթ Սանասարյան կոչվածը երեկ  իրեն թույլ տվեց հայտարարություններ հնչեցնել: Դու ի՞նչ իրավունք ունես քո խիթը խոթել այդ գործերի մեջ : Ազատություն գեներալին, ազատություն Արցախի հերոսին»,- նշեցին նրանք:

Մանվել Գրիգորյանի աջակիցները փակեցին Նալբանդյան փողոցը: Ապա կարճ ժամանակ անց նրանք բացեցին փողոցը և բողոքի քայլերթ իրականացրեցին:

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica