close
Եղանակը Երևանում
15 Նոյեմբերի 2018
+9°
+12°Ցերեկ
+4°Գիշեր
weather
close
Փոխարժեք
15 Նմբ 2018
USD1487.27
GBP1622.97
EUR1549.69
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ապօրինաբար ծառեր է հատել ու ճանապարհ կառուցել անտառում

Իրավունք

16 Հունիսի 2018, 17:34
 Ապօրինաբար ծառեր է հատել ու ճանապարհ կառուցել անտառում

Հունիսի 15-ին, ժամը 11-անց 40-ին, «Հայանտառ» ՊՈԱԿ «Եղեգնուտի անտառտնտեսություն» մասնաճյուղից ստացվել է անտառխախտման արձանագրություն, ըստ որի հունիսի 13-ին Եղեգնուտի անտառտնտեսության անտառպետության թիվ 4 պահաբաժնում իրականացված շրջագայության ժամանակ հայտնաբերվել է ապօրինի հատված 19 հատ տարբեր տեսակի ծառեր /1 բոխենի, 15 հաճարենի, 1 ուռենի, 2 թեղի/:

Արձանագրության մեջ նշված է եղել նաև, որ տվյալ տարածքում ծանր թրթուռավոր տեխնիկայի միջոցով կառուզվել է շուրջ 350 մետր երկարությամբ, 3-4 մետր լայնքով անօրինական անտառմիջյան ճանապարհ, որի հետևանքով վնասվել են ծառեր, թփեր և այլ բուսականություն:

Նյութերի նախապատրաստման ընթացքում, հունիսի 15-ին ոստիկանության Գուգարքի բաժնի ծառայողների ձեռնարկած օպերատիվ-հետախուզական միջոցառումների արդյունքում, բաժին է ներկայացել Աշոտ Ս.-ն, որը ինքնախոստովանական բացատրություն է տվել, որ շուրջ 4 ամիս առաջ Գուգարք գյուղին հարակից անտառի, «Պուճուր սար» կոչվող հանդամասի՝ նշված պահաբաժնից, իր բենզասղոցով ապօրինի հատել է շուրջ 10 խ/մ ծավալով, 6 հատ տարբեր տեսակի և տ/մ-ի ծառեր, որոնք հաջորդող մի քանի օրերի ընթացքում Հարություն Շ.-ի օգնությամբ, իրեն պատկանող «Ուազ» մեքենայով տեղափոխել է իրենց տան բակ և 1խ/մ-ը շուրջ 10.000 դրամով վաճառել է անծանոթի: Նա նշել է նաև, որ փայտանյութը վաճառելուց մոտ մեկ ամիս հետո, ինչպես նաև շուրջ մեկ ամիս առաջ, նույն կերպ, նշված պահաբաժնից, իր բենզասղոցով ապօրինի հատել է համապատասխանաբար 6 և 7 հատ տարբեր տեսակի ու տ/մ-ի՝ յուրաքանչյուրը շուրջ 10 խ/մ ծավալի ծառեր, որոնք դեպքերին հաջորդող օրերին կրկին Հարություն Շ.-ի հետ, իրեն պատկանող մեքենայով տեղափոխել է իրենց տան բակ և 1խ/մ-ը շուրջ 10.000 դրամով վաճառել անծանոթի:

Նա նշել է նաև, որ վերոհիշյալ պահաբաժնի անտառմիջյան ճանապարհը հարթեցրել և վերանորոգել է ազգությամբ ռուս մի անձ, իրեն պատկանող թրթուռավոր տրակտորով՝ իր պատվերով, որի դիմաց ինքը այդ անձին տվել է 30 լիտր դիզելային վառելիք և 10.000 դրամ:

Հանցագործության գործիք բենզասղոցը վերցվել է:
Վնասի չափը պարզվում է:
Կատարվում է քննություն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica