close
Եղանակը Երևանում
21 Հուլիսի 2018
+27°
+32°Ցերեկ
+20°Գիշեր
weather
close
Փոխարժեք
21 Հլս 2018
USD1480.62
GBP1625.72
EUR1560.16
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Ադրբեջանն իր հասարակությանը պատրաստում է պատերազմական գործողությունների». Տիգրան Աբրահամյան

Արցախ

16 Հունիսի 2018, 14:02
 «Ադրբեջանն իր հասարակությանը պատրաստում է պատերազմական գործողությունների». Տիգրան Աբրահամյան

Ադրբեջանը շարունակում է առաջնագծում հետևողական լարվածություն մտցնելու իր քաղաքականությունը:

Այս մասին yerkirmedia.am-ի հետ զրույցում՝ անդրադառնալով հայ-ադրբեջանական սահմանային իրավիճակին, ասաց Արցախի Հանրապետության նախագահի խորհրդական Տիգրան Աբրահամյանը:

Նա նշեց, որ առաջնագծի տարբեր ուղղություններով Ադրբեջանը ակտիվություն է դրսևորում.

«Ժամանակ առ ժամանակ դրանք լինում են զինտեխնիկայի կուտակումների, տեղաշարժերի միջոցով, նաև լինում են հատուկ նշանակության ստորաբաժանումների ակտիվությամբ, որոնց կազմում հատկապես ակտիվ գործում են դիպուկահար խմբերը»:

Ըստ Տիգրան Աբրահամյանի՝ Ադրբեջանն ակտիվացել է նաև քաղաքական, քարոզչական, ռազմական առումով. «Ռազմական համագործակցության մասով դա արտահայտվում է սպառազինությունների մեծաքանակ ներկրումներով, քաղաքական- քարոզչական մասով դրանք ներքին, նաև արտաքին լսարանին ուղղված ուղերձներն են: Ադրբեջանի քաղաքական ղեկավարության հռետորաբանությունը բավականին կոշտացել է, և ավելի հաճախ են խոսում այն պայմանական իրավական հիմքերի մասին, որը նրանց թույլ է տալիս ինչ-որ պահի գնալ ռազմական գործողությունների»:

ԱՀ նախագահի խորհրդականը ևս մեկ անգամ փաստեց, որ Ադրբեջանն իր հասարակությանը պատրաստում է պատերազմական գործողությունների և դրան լեգիտիմ հիմք ստեղծելու համար անընդհատ փորձում է ցույց տալ, որ հայկական կողմից գնդակոծում են իր խաղաղ բնակավայրերը, տուժածներ կան քաղաքացիական բնակչության շրջանում, ինչը, իհարկե, ապատեղեկատվություն է, որով ադրբեջանական կողմը փորձում է հիմք ստեղծել հետագա ռազմական գործողությունների համար:

Եղանակն՝ առաջիկա օրերին
20 Հուլիսի 2018, 18:00 Եղանակն՝ առաջիկա օրերին

Այս բաժնի այլ նորությունները
Ամենաշատ ընթերցվածները
Yandex.Metrica