close
Եղանակը Երևանում
23 Հունիսի 2018
+23°
+28°Ցերեկ
+18°Գիշեր
weather
close
Փոխարժեք
23 Հնս 2018
USD1482.19
GBP1640.83
EUR1561.80
RUB17.64
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սրբոց Նահատակաց հայկական եկեղեցին եւ հուշահամալիրը վերանորոգելու մասին որոշում է կայացվել

Տարածաշրջան

9 Հունիսի 2018, 10:31
 Սրբոց Նահատակաց հայկական եկեղեցին եւ հուշահամալիրը վերանորոգելու մասին որոշում է կայացվել

«2016 թվականի դեկտեմբերին Հալեպի ազատագրումը անկյունադարձային եղավ սիրիահայերի համար. ներկայումս Հալեպը շատ ավելի կայուն վիճակում է գտնվում: Կային կենցաղային դժվար պայմաններ, որոնք այսօր արդեն տարբեր միջոցներով հաղթահարվել են, ճանապարհներն օրըստօրե բացվում են, լուծվել է ջրամատակարարման ու վառելանյութի խնդիրը, քիչ տատանումներով վերականգնվել է էլեկրտականությունը»,–«Հայերն այսօր»-ի հետ զրույցում ասաց Սիրիայի խորհրդարանի հայազգի պատգամավոր, Բերիո Հայոց թեմի մամուլի խոսնակ Ժիրայր Ռեիսյանը՝ հավելով, որ սիրիահայերը բնականոն հունով են ապրում, զբաղված են իրենց առօրյա աշխատանքներով և տները վերանորոգելով:

Նա նշեց նաև, որ ազգային հաստատությունները, եկեղեցիները, ակումբներն ու դպրոցներն ամենածանր օրերին անգամ չեն դադարեցրել ազգապահպան գործունեությունը: Զգալի վնասներ կրած «Կարեն Եփփե» ազգային ճեմարանի երկու շենքերից մեկն է այս տարեշրջանում վերանորոգվել, հաջորդիվ շինարարական աշխատանքներ են կատարվելու Հալեպի հայ ազգային պատսպարանի, Սիրիայի ազգային օգնության «Կարմիր Խաչի» հիվանդանոցի և մի շարք ազգային կառույցների վերականգման ուղղությամբ:

«Կարծում եմ՝ մոտ ժամանակահատվածում որոշակի անվտանգության հարցեր կարգավորելուց հետո իր աշխատանքները կսկսի նաև Սիրիայի օդանավակայանը. Սիրիայի կառավարությունը լուրջ աշխատանքներ է տանում այդ առումով: Որոշ շրջաններում դեռ կան զինյալ ահաբեկչական խմբեր և բնականոն թռիչքների պարագայում հնարավոր է հրթիռակոծություններ լինեն, հետևաբար, անվտանգության նկատառումներից ելնելով, կառավարությունը դանդաղում է պաշտոնապես օդանավակայանը վերագործարկել»,-ասաց Ժիրայր Ռեիսյանը:

Իր խոսքում սիրիահայ պատգամավորը նաև ընդգծեց, որ Քեսապի ու Լաթաքիայի հայերն էլ ապրում են սովորական ռիթմով: Այն մարդիկ, ովքեր Հալեպից տեղափոխվել էին Լաթաքիա կամ Քեսապ, այսօր վերադառնում են իրենց տները, Դամասկոսը նույնպես կարելի է ազատագրյալ տարածք համարել:

«Ճիշտ է, ազատագրվեց նաև Դեր Զորը, բայց այնտեղ հայ բնակիչ գրեթե չմնաց, սակայն ունենք խոնարհված Սրբոց Նահատակաց հայկական եկեղեցին: Մեծի Տանն Կիլիկիո Արամ Ա կաթողիկոսի՝ մարտ ամսին ազգային իշխանության ներկայացուցիչների հետ Դեր Զոր կատարած այցելությունից հետո եկեղեցին և հուշահամալիրը վերանորոգելու որոշում է կայացվել»,-զրույցն ամփոփեց Ժիրայր Ռեիսյանը:

Խորովածի ծուխ` Օպերայում
23 Հունիսի 2018, 20:37 Խորովածի ծուխ` Օպերայում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica