close
Եղանակը Երևանում
19 Օգոստոսի 2018
+21°
+27°Ցերեկ
+18°Գիշեր
weather
close
Փոխարժեք
19 Օգս 2018
USD1483.14
GBP1613.68
EUR1549.86
RUB17.16
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՀ-ում այլևս ոչ մի մշակութային հուշարձան չի վնասվի, չի ոչնչացվի. Նիկոլ Փաշինյան

Հասարակություն

25 Մայիսի 2018, 17:37
 ՀՀ-ում այլևս ոչ մի մշակութային հուշարձան չի վնասվի, չի ոչնչացվի. Նիկոլ Փաշինյան

«Արամ Խաչատրյան» համերգասրահում վարչապետ Նիկոլ Փաշինյանը հանդիպեց մշակույթի գործիչների հետ: 

Հնագիտության և ազգագրության ինստիտուտի տնօրեն Պավել Ավետիսյանը վարչապետից հետաքրքրվեց` ժամանակին պատմության և մշակութային պահպանության կոմիտե ունեինք, հնարավո՞ր է այն վերականգնվի:  

Վարչապետը պատասխանեց, որ մշակույթի նախարարությունում կա հուշարձանների պահպանության գործակալություն: «Ես ձեզ վստահեցնում եմ, որ այնտեղ բարեխիղճ մարդիկ են և կատարում են իրենց աշխատանքը: Մամուլում քննադատություններ էին հնչում` ո՞ւր է նայում այդ գործակալությունը, երբ այս կամ այն հուշարձանն է ոչնչացվում: Իրականում նրանք իրենց գործառույթը կատարել են, համապատասխան հանձնարարականներ են տվել այն մարմիններին, որոնք պետք է ապահովեին այդ հուշարձանների պահպանությունը, բայց մարմիններն անգործություն են ցուցաբերել»,- ասաց Փաշինյանը:

Նա իր միտքն ավելի պարզեցրեց. «Ավելի պարզ ասեմ` եթե գործակալությունն ուզում է հուշարձանը պահպանել, իսկ կառավարությունը չի ուզում պահպանել, պարզ  է` գործակալությունը չի կարող իր վերադասի կամքը հաղթահարել և պահպանել հուշարձանը»:

Վարչապետն ընդգծեց, որ հուշարձանների պահպանության առումով իրենց քաղաքականությունը միանշանակ է: «Մենք երաշխավորում ենք, որ ՀՀ-ում այլևս ոչ մի մշակութային հուշարձան չի վնասվի, չի ոչնչացվի, եթե ինչ-որ միջամտություն էլ կարվի, միայն դրա պահպանության նպատակով կարվի»,- ասաց նա:

Ջերմաստիճանը կնվազի
18 Օգոստոսի 2018, 20:09 Ջերմաստիճանը կնվազի
Իրավիճակը՝ շփման գծում
18 Օգոստոսի 2018, 15:53 Իրավիճակը՝ շփման գծում
ՃՏՊ` Առինջ գյուղի մոտ
17 Օգոստոսի 2018, 22:13 ՃՏՊ` Առինջ գյուղի մոտ
Եղանակն՝ առաջիկա օրերին
17 Օգոստոսի 2018, 18:00 Եղանակն՝ առաջիկա օրերին

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica