close
Եղանակը Երևանում
16 Հոկտեմբերի 2018
+12°
+21°Ցերեկ
+11°Գիշեր
weather
close
Փոխարժեք
16 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Այո, բարեխիղճ վարորդները վճարել են, շատերն էլ չեն վճարել, գուցե չեն ունեցել. Փաշինյան

Քաղաքական

24 Մայիսի 2018, 14:55
 Այո, բարեխիղճ վարորդները վճարել են, շատերն էլ չեն վճարել, գուցե չեն ունեցել. Փաշինյան

Այսօր կառավարության նիստում վարչապետ Նիկոլ Փաշինյանը խնդրեց ոստիկանապետ Վալերի Օսիպյանին` զեկուցել, թե ինչ վիճակ է տեսանկարահանող և արագաչափ սարքերի գործունեության հետ կապված, ինչ եզրակացությունների են հանգել:

Օսիպյանը հայտնեց, որ արդարադատության նախարարության հետ քննարկվել են ոլորտի խնդիրները: Նրա խոսքով` արագաչափերի գործունեության դադարեցման արդյունքում ՃՏՊ հետևանքով զոհերի թիվը փոքր ինչ ավելացել է, խնդիրն ավելի շատ տեսանկարահանող սարքերի մեջ է:

Ըստ Օսիպյանի` ոստիկանությունը պատրաստվում է համագործակցել ոլորտի ՀԿ-ների հետ, որպեսզի հանրության շրջանում բարձրացվի քաղաքացիների իրավագիտակցությունը` հետագայում ավելի կոպիտ խախտումներից աստիճանաբար խուսափելու համար:

Վարչապետը նշեց, որ պետք է փոխվի այս ոլորտում եղած խնդիրների նկատմամբ փիլիսոփայությունը, այսինքն` քաղաքացին պետք է նախ զգա, որ ինքը «տուգանվելու մատերիալ» չէ, ու դա չպետք է հակադրվի ճանապարհային երթևեկության անվտանգության հետ կապված խնդիրներին:

«Օրենսդրական փոփոխություններ պետք է պատրաստենք` տուգանքների չափերի և ընթացակարգերի հետ կապված: Քաղաքացիները պետք է թոթափեն անարդարության զգացողությունը: Ինչ վերաբերում է անկարգ վարորդներին, ապա ոստիկանությունն ունի բոլոր լծակները` նրանց կարգի հրավիրելու համար: Բացի այդ` նոր իրավիճակում յուրաքանչյուր քաղաքացի իրեն պետք է լիազորված համարի` կարգի հրավիրելու այն վարորդներին, ովքեր վտանգում են ուրիշի անվտանգությունը: Քաղաքացին տուգանվող սուբյեկտի կարգավիճակից պետք է ազատվի»,- ասաց վարչապետը:

Ոստիկանապետ Օսիպյանը հավելեց, որ համացանցում քաղաքացիները դժգոհություն են հայտնում, թե ինչու իրենք պետք է պարտաճանաչ վճարեին տուգանքները, իսկ ոմանք` ոչ, և պահանջում են հետ վերադարձնել այդ վճարված գումարները:

«Պետք է բոլոր տեսակետները, մտահոգությունները քննարկվեն, ու կայացվի հավասարակշռված մոտեցում: Այո, բարեխիղճ վարորդները վճարել են, շատերն էլ չեն վճարել, գուցե չեն ունեցել, որ չեն վճարել: Այստեղ կարևորը քաղաքական շեշտադրումն է, որ քաղաքացին չպետք է իրեն զգա որպես տուգանվելու օբյեկտ»,- եզրափակեց վարչապետը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica