close
Եղանակը Երևանում
23 Հունիսի 2018
+23°
+28°Ցերեկ
+18°Գիշեր
weather
close
Փոխարժեք
23 Հնս 2018
USD1482.19
GBP1640.83
EUR1561.80
RUB17.64
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նիկոլ Փաշինյանն իմ երազած վարչապետը չէ, բայց ցանկացած բանակցություններում նրա մեջքին կանգնած եմ. Էդուարդ Շարմազանով

Հասարակություն

22 Մայիսի 2018, 14:29
 Նիկոլ Փաշինյանն իմ երազած վարչապետը չէ, բայց ցանկացած բանակցություններում նրա մեջքին կանգնած եմ. Էդուարդ Շարմազանով

Հայաստանը ոչ թե հակամարտության, այլ բանակցության կողմ է և Արցախի միջազգային անվտանգության երաշխավորը. խորհրդարանում լրագրողներին ասաց ԱԺ փոխխոսնակ, ՀՀԿ խոսնակ Էդուարդ Շարմազանովը` անդրադառնալով վարչապետ Նիկոլ Փաշինյանի` Արցախում արած այն հայտարարությանը, թե ՀՀ-ն Արցախյան հիմնահարցում հակամարտության կողմ է:

«Նիկոլ Փաշինյանին լավ եմ ճանաչում, վեց տարի միասին աշխատել ենք: Իմ տպավորությամբ` Փաշինյանն այլևս նման հայտարարություն չի անի: Գուցե սա քաղաքական անզգուշություն էր, գուցե էմոցիոնալ գնահատական էր, գուցե մի բան էր ուզում ասել, այլ բան ստացվեց, բայց սա հայտարարություն չէր, որ բխում էր բանակցային շահերից»,- ասաց նա:

Ինչ վերաբերում է այն հայտարարությանը, թե պետք է Արցախը վերադառնա բանակցային սեղանի շուրջ, Շարմազանովը նշեց, որ դա միանշանակ ողջունելի է, և որ իրենք դրա մասին շատ են խոսել:

«Կոնկրետ հակամարտության մասով` ես պետական մարդ եմ, Նիկոլ Փաշինյանն էլ իմ երազած վարչապետը չէ, բայց ցանկացած բանակցություններում նրա մեջքին կանգնած եմ, որովհետև նա իմ պետության վարչապետն է: Թող ալիևների ու էրդողանների, որևէ մեկի մտքով չանցնի... Իմ երկրի վարչապետ Նիկոլ Փաշինյանի, որի հետ ես ունեմ խոր քաղաքական և գաղափարական տարաձայնություններ, յուրաքանչյուր հանդիպման համար աղոթելու եմ: Ամեն ինչ անելու եմ, որ նա հաջողի, եթե նա հաջողեց բանակցություններում, ուրեմն կհաջողի Արցախը, կհաջողի հայ ժողովուրդը: Ես պետական ոնց եղել եմ, այդպես էլ կամ, Հայաստանից մեծ սեր էլ չունեմ: Վերևն` Աստված, ներքևն` իմ Հայաստան»,- եզրափակեց Շարմազանովը:

Խորովածի ծուխ` Օպերայում
23 Հունիսի 2018, 20:37 Խորովածի ծուխ` Օպերայում

Այս բաժնի այլ նորությունները
Ամենաշատ ընթերցվածները
Yandex.Metrica