close
Եղանակը Երևանում
21 Հուլիսի 2018
+21°
+32°Ցերեկ
+20°Գիշեր
weather
close
Փոխարժեք
21 Հլս 2018
USD1480.62
GBP1625.72
EUR1560.16
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մեր խոսակցությունը ստացվեց. Հրանտ Մարգարյանը՝ Նիկոլ Փաշինյանի հետ հանդիպման մասին

Քաղաքական

23 Ապրիլի 2018, 13:17
 Մեր խոսակցությունը ստացվեց. Հրանտ Մարգարյանը՝ Նիկոլ Փաշինյանի հետ հանդիպման մասին

ՀՅԴ Բյուրոյի ներկայացուցիչ Հրանտ Մարգարյանը հանդիպել է Նիկոլ Փաշինյանի հետ: Ներկայացնում ենք Մարգարյանի խոսքը՝ հանդիպումից հետո.

«Ես այսօր հաջողեցի հանդիպել Նիկոլ Փաշինյանի հետ: Մեր խոսակցությունը ստացվեց, և հույս ունեմ, որ կշարունակվի, թեպետ առայժմ կոնկրետ արդյունքներ չկան: Մենք անցած 5-6 օրվա արդյունքում ծավալուն աշխատանքների մեջ ենք եղել զանազան կողմերի հետ, զանազան անձերի հետ, որպեսզի կարողանանք լուծում գտնել երկրի առջև կանգնած այս թնջուկին:

Կարևորն այն է, որ մենք` իբրև Դաշնակցություն, համաձայն չենք ձերբակալությունների հետ, նաև դեմ ենք, երբ վերջնագրերով են խոսում: Մենք հավատում ենք, որ անհրաժեշտ է երկխոսություն` հանուն այս երկրի ու ժողովրդի: Պետք է կարողանանք սթափվել, առիթ տանք, որ այդ երկխոսությունը տեղի ունենա, որ այդ լուծումը գտնենք ու երկիրը ցնցումների չտանենք: Կարևոր է այսօր եւ այս պահին, որ փողոցը շատ ավելի զգույշ լինի, ժողովրդային շարժումը շատ ավելի զգույշ լինի, սադրանքների չենթարկվի, խաղաղ բնույթը պահպանի, որպեսզի հնարավորություն ստեղծենք, որ լուծում գտնվի: Մենք ամեն ինչ անում ենք, և այսպես ճիգ ու ջանքի մեջ ո'չ անհատական ու ո'չ էլ կուսակցական շահն է, որ խնդիր է:

Երկիրն ու մեր ժողովուրդն է, որ հիմնական արժեք է, մենք դրան ենք հավատում, և դա է, որ պետք է համոզում դարձնենք բոլորին, որ հանուն երկրի և ժողովրդի բոլորը պետք է զիջեն, ինչ-որ բանից պետք է զիջեն, որ ելք գտնվի»:


Եղանակն՝ առաջիկա օրերին
20 Հուլիսի 2018, 18:00 Եղանակն՝ առաջիկա օրերին

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica