close
Եղանակը Երևանում
17 Դեկտեմբերի 2018
+0°
+6°Ցերեկ
+0°Գիշեր
weather
close
Փոխարժեք
17 Դեկ 2018
USD1484.87
GBP1609.92
EUR1547.37
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ոստիկանական շղթա ճեղքելը խոսում է ցույցի ոչ խաղաղ լինելու մասին. Դավիթ Հարությունյան

Քաղաքական

19 Ապրիլի 2018, 19:06
 Ոստիկանական շղթա ճեղքելը խոսում է ցույցի ոչ խաղաղ լինելու մասին. Դավիթ Հարությունյան

Այսօր կառավարության նիստից հետո լրագրողների հետ ճեպազրույցում արդարադատության նախարար Դավիթ Հարությունյանը անդրադարձավ դրսում իրականացվող ցույցերին և ոստիկանության գործողույուններին: Ըստ Դավիթ Հարությունյանի, ոստիկանությունը պարտավոր է ապահովել հասարակական կարգը, և ոչ ժողովրդավարական կլիներ, երբ վտանգի առկայության պարագայում, ոստիկանությունը չպահպաներ հասարակական կարգը:

«Այն, որ ոմանք հայտարարում են, թե իրենք ոչ բռնի եղանակով են իրականացնում իրենց գործողությունները, բայց փաստացի որոշ դեպքերում բռնություն են իրականացնում, դա փաստ է: Ոստիկանական շղթա ճեղքելը խոսում է ցույցի ոչ խաղաղ լինելու մասին: Իհարկե դա չի նշանակում, որ ողջ ընթացքում ցույցը խաղաղ չի եղել: Տվյալ դեպքում, քանի որ կային հասարակական կարգի կոպիտ խախտումներ ու բռնության դեպքեր, ուրեմն նորմալ եմ համարում որ ոստիկանությունը հասարակական կարգն է պահպանում»,- ասաց նախարարը:

Դավիթ Հարությունյանի համոզմամբ, ձեռքերը վեր բարձրացնելը, դեռ չի նշանակում, որ ցույցը խաղաղ է:Փաստն այն է, որ շենքերը շրջափակված են, մարդիկ չեն կարողացել տեղաշարժվել: Որոշ դեպքերում ցուցարարների գործողությունները աղերսներ կարող են ունենալ քրեական իրավունքի հետ: Նախարարի խոսքով` ցույցը օրինական չէ:

Այն հարցին, դու՞ր է գալիս նախարարին ստեղծված վիճակը, երբ գործադիրի անդամները դժվարությամբ են մուտք գործում կառավարության շենք, քանի որ այն շրջապատված է ցուցարարների ու ոստիկանների կողմից, Դավիթ Հարությունյանը պատասխանեց. «Շատ տարօրինակ կլիներ, եթե ես ասեի` այո, մենք երազում ենք նման պայմաններում իրականացնել կառավարության նիստը: Բայց փաստն այն է, որ ունենք իրավիճակ, երբ մարդիկ օրենքով արգելված գործողություններ են իրականացնում` փորձելով շրջափակել պետական շենքերը: Ստիպված ենք այս իրավիճակում գտնել այլ լուծումներ»,- ասաց նախարարը:

Դավիթ Հարությունյանի խոսքով` ՀՀԿ-ի խնդիրը չէ` հետևել, թե որքան մարդ է մասնակցում ցույցերին, դրա համար կան իրավապահ մարմիններ, որոնք հետևում են: Վիճակը իհարկե, անհանգստացնող է, ըստ նախարարի:Սակայն նա կարծիք հայտնեց, որ ընդդիմադիր ոչ բոլոր ուժերը կարող են հանդուրժել, որ երկիրը զարգանում է, դա նրանց ձեռնտու չէ, ուստի նրանք անում են ամեն ինչ, որ իրավիճակը վատանա:

Խնդիրներ շատ կան, իսկ իշխանությունները անսխալական չեն լինում, ըստ Դավիթ Հարությունյանի: Իշխանությունը փորձում է քիչ քիչ լուծել այդ խնդիրները:

Սուրբ Մինաս եկեղեցու ուխտի օր
16 Դեկտեմբերի 2018, 20:15 Սուրբ Մինաս եկեղեցու ուխտի օր
Վարպետ Մեսրոպի կտակը
16 Դեկտեմբերի 2018, 19:38 Վարպետ Մեսրոպի կտակը
7 օր առաջնագծում
15 Դեկտեմբերի 2018, 15:05 7 օր առաջնագծում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica