close
Եղանակը Երևանում
23 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
23 Ապր 2019
USD1481.98
GBP1626.09
EUR1542.18
RUB17.56
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Օսիպյանը հավաքը դադարեցնելու վերաբերյալ ծանուցում փոխանցեց. Փաշինյանը պատռեց այն

Հասարակություն

17 Ապրիլի 2018, 09:37
 Օսիպյանը հավաքը դադարեցնելու վերաբերյալ ծանուցում փոխանցեց. Փաշինյանը պատռեց այն

«Իմ քայլը» նախաձեռնության առաջնորդ, ԱԺ պատգամավոր Նիկոլ Փաշինյանն ու նրա կողմնակիցները շարունակում են մայրաքաղաքում անհնազանդության գործողություններ իրականացնել:

Առավոտյան Փաշինյանի կողմնակիցները դարձյալ փակել են Երևանի կենտրոնական մի շարք փողոցներ և խաչմերուկներ: Ոստիկանությունը Մաշտոցի պողոտա-Թումանյան և Աբովյան-Կորյուն փողոցների խաչմերուկներից ցուցարարների է բերման ենթարկել: Նիկոլ Փաշինյանը ցուցարարներին կոչ է արել ոստիկանության դիմադրության դեպքում չմնալ նույն տեղում, այլ շարժվել և փակել հաջորդ խաչմերուկը:

Բաղրամյան փողոցում շարունակում են կենտրոնացած մնալ ոստիկանության ուժերը: Փշալարարից բացի, այստեղ տեղակայված է նաև ջրցան և զրահապատ մեքենաներ:

Քիչ առաջ ՀՀ փոխոստիկանապետ Վալերի Օսիպյանը Նիկոլ Փաշինյանին հանձնեց հավաքը դադարեցնելու վերաբերյալ ծանուցումը: «Ոստիկանությունը որոշում է կայացրել հավաքները դադարեցնել՝ համաձայն «Հավաքների ազատության մասին» օրենքի: Դուք կազմակերպիչ եք, սա փոխանցում եմ Ձեզ, որ տեղեկացնեք հավաքի մասնակիցներին: Հակառակ դեպքում` ոստիկանությունը օրենքով նախատեսված կարգով կդիմի գործողությունների»,- դիմելով Փաշինյանին` ասաց Օսիպյանը:

Նիկոլ Փաշինյանը վերցրեց ծանուցման թուղթը և պատռեց՝ հայտարարելով, որ Հայաստանում սկսվել է տոտալ քաղաքացիական շարժում:

Այս պահին ցուցարարները փակել են Պուշկին-Աբովյան խաչմերուկը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica