close
Եղանակը Երևանում
19 Ապրիլի 2018
+20°
+22°Ցերեկ
+7°Գիշեր
weather
close
Փոխարժեք
19 Ապր 2018
USD1480.99
GBP1682.62
EUR1594.84
RUB17.79
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սևանից հավելյալ ջրառ կատարելու հնարավորությունը չի բացառվում. Արսեն Հարությունյան

Տնտեսական

22 Մարտի 2018, 13:23
 Սևանից հավելյալ ջրառ կատարելու հնարավորությունը չի բացառվում. Արսեն Հարությունյան

Ջրային տնտեսության պետական կոմիտեի նախագահ Արսեն Հարությունյանն այսօր կառավարության նիստից հետո լրագրողների հետ ճեպազրույցում խոստովանեց, որ ջրամբարներում ջրի քանակի հետ կապված ունեն մտահոգություններ:

Նշենք, որ այսօր կառավարության նիստում վարչապետը ևս մեկ հանձնարարական տվեց ոռոգման սեզոնին ընդառաջ կատարվող նախապատրաստական մի շարք աշխատանքների վերաբերյալ:

Արսեն Հարությունյանը լրագրողներին ասաց. «Այսօրվա դրությամբ մեր ջրամբարները լցված են 39 տոկոսով, մենք 19 տոկոսով պակաս ջուր ունենք, քան ցանկալի էր, որ ունենայինք: Իհարկե, կան մտահոգություններ, դրա համար էլ միջոցառումների շարք ենք մտածել, որ կարողանանք, ոռոգման սեզոնին ընդառաջ, մտահոգությունները հնարավորինս նվազագույնի հասցնել»:

Հարցին, թե հնարավո՞ր է, որ ջրի նվազ քանակի պատճառով ստիպված լինեն Սևանից հավելյալ ջրառ իրականացնել, Արսեն Հարությունյանը պատասխանեց. «Չի բացառվում, եթե այս տեմպերով շարունակվի, հնարավոր է դիմենք ԱԺ-ին` հաստատելու, որ Սևանից հավելյալ ջրառ իրականացվի: Իհարկե, այս պահին դեռ վաղ է խոսել այդ մասին»:

Նրա խոսքով` 2018թ. համար մշակվել է պլան B, ըստ որի` նախատեսված են աշխատանքներ 23 հորատվող հորերի և 14 վերականգնվող հորերի համար, ծախսը գնահատվել է մոտ 1 միլիարդ դրամ, ևս 250 մլն դրամ կծախսվի 20 շարժական պոմպակայան կառուցելու վրա, ինչը հնարավորություն կտա ջուրը պոմպերով ուղղելու դեպի ջուրօգտագործողների հողերը: Հարությունյանը նաև հավելեց, որ ոռոգման առումով ռիսկայինը Արմավիրի ու Արագածոտնի այն հատվածներն են, որոնք օգտվում են Ախուրյանի ջրամբարից:

Այս բաժնի այլ նորությունները
Ամենաշատ ընթերցվածները
Yandex.Metrica