close
Եղանակը Երևանում
17 Հուլիսի 2018
+25°
+25°Ցերեկ
+18°Գիշեր
weather
close
Փոխարժեք
17 Հլս 2018
USD1480.37
GBP1636.68
EUR1563.47
RUB17.69
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գազի այլընտրանքային ներկրման համար այս պահին չունենք մրցակցային առաջարկ. Աշոտ Մանուկյան

Քաղաքական

21 Մարտի 2018, 16:40
 Գազի այլընտրանքային ներկրման համար այս պահին չունենք մրցակցային առաջարկ. Աշոտ Մանուկյան

Գազի այլընտրանքային ներկրման համար այս պահին չունենք մրցակցային առաջարկ. խորհրդարանում լրագրողներին ասաց ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը:

Հարցին՝ ինչո՞ւ ձեռնտու չէ, որ Հայաստանն Իրանից կամ Թուրքմենստանից գազ ստանա, նա պատասխանեց. «Ես չեմ կարող խոսել քննարկումների ընթացքի մասին, բայց կարող եմ ասել, որ դեռևս մրցունակ առաջարկ չունենք»:

Ճշտող հարցին՝ Թուրքմենստանում քննարկումների ժամանակ որևէ կոնկրետ եզրահանգման չե՞ն եկե, Մանուկյանը պատասխանեց` ոչ, քննարկումները դեռ շարունակվում են, քննարկումների արդյունքների մասին դեռ վաղ է խոսելը:

Անդրադառնալով Իրանից գազ ներկրելու հավանականության մասին՝ նախարարն ասաց, որ ինքն իրավասու չէ գնահատական տալ: Դիտարկմանը` ընդդիմությունը պնդում է, որ դա քաղաքական հարց է, նա արձագանքեց. «Վստահաբար կարող եմ ասել, որ որևէ քաղաքական գործոն տվյալ դեպքում չկա»:

Դիտարկմանն էլ` Իրանի դեսպանները բազմիցս պնդել են, որ Իրանը պատրաստ է մատչելի գնով գազ տրամադրել, Մանուկյանը պատասխանեց, որ առայժմ Հայաստանն Իրանից մրցունակ առաջարկ չունի: Իսկ թե ո՞րը կլինի մրցունակ առաջարկը, նա ասաց, որ այն պետք է լինի ավելի էժան, քան Հայաստանը հիմա ստանում է:

Ինչ վերաբերում է խոսակցություններին, թե Իրանի դեսպանը 100 դոլարով գազ տրամադրելու մասին է խոսել, ըստ Մանուկյանի, ինքը գրեթե օնլայն ռեժիմով դեսպանի հետ շփում է, բայց դեռևս 100 դոլարով գազ տրամադրելու առաջարկ չի ստացել: Նա նաև հրաժարվեց խոսել իր հրաժարականի դիմումի և այն հետ վերցնելու մասին, միայն նշեց, որ այս մասին արդեն հայտարարություն արել են:

Այս բաժնի այլ նորությունները
Ամենաշատ ընթերցվածները
Yandex.Metrica