close
Եղանակը Երևանում
14 Դեկտեմբերի 2018
+0°
+3°Ցերեկ
-1°Գիշեր
weather
close
Փոխարժեք
14 Դեկ 2018
USD1485.23
GBP1614.16
EUR1551.80
RUB17.32
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երկրին նվիրված տղաների և աղջիկների ներուժն օգտագործվելու է ի շահ երկրի զարգացման. Կոստանյանը` Սերժ Սարգսյանի հարցազրույցի մասին

Քաղաքական

21 Մարտի 2018, 13:25
 Երկրին նվիրված տղաների և աղջիկների ներուժն օգտագործվելու է ի շահ երկրի զարգացման. Կոստանյանը` Սերժ Սարգսյանի հարցազրույցի մասին

ԱԺ ՀՀԿ-ական պատգամավոր Գևորգ Կոստանյանն այսօր խորհրդարանում լրագրողների հետ զրույցում անդրադարձավ Սերժ Սարգսյանի հարցազրույցին, որտեղ ըստ էության նա չէր բացառել, թե կառաջադրվի ՀՀ վարչապետի պաշտոնում:

Ըստ Կոստանյանի` Սերժ Սարգսյանի խոսքը, թե բոլորս անելիք ունենք քաղաքական նոր առաջնորդների թրծման հարցում՝ անկախ նրանց կուսակցական պատկանելությունից, անկախ քաղաքական ներկա դիրքավորումից, վերաբերում է բոլորին՝ անկախ իրենց քաղաքական կողմոնորշումից: Նրա գնահատմամբ՝ սա ամենակրևոր մեխերից է, քանի որ երկրի նախագահը բոլորի նախագահն է, երկրի նախագահը բոլոր երիտասարդների ներուժը օգտագործելու և երկրի բարորության համար է:

«Այո, ես կարծում եմ, որ դա վերաբերում է նաև մեր հարգարժան գործընկեր Նիկոլ Փաշինյանին, Էդմոն Մարուքյանին, Արտակ Զեյնալյանին և բոլորին, թեկուզ, եթե քաղաքական ընդդմիություն են: Երկրի բարորության համար պայքարող, երկրին նվիրված տղաների և աղջիկների ներուժն օգտագործվելու է՝ ի շահ երկրի զարգացման: Սա վերաբերում է բոլորին՝ անկախ է քաղաքական կամ այլ կողմնորոշումից»,- ասաց Կոստանյանը:

Ինչ վերաբերում է հարցին` ինչու է Սերժ Սարգսյանը ստանձնել առաջնորդներ ստեղծելու գործը, Կոստանյանն ասաց, որ երկրի առաջնորդը բացի երկիրը ղեկավարելուց նաև այլ չափազանց կարևոր գործառույթ ունի՝ սերնդի դաստիարակություն և երկրի շարունակականություն ապահովելը:

«Բա էլ ով պետք է նման կոչ աներ, բա ով պետք է առաջարկեր, որ հարգելի ժողովուրդ, ես իմ առաջ խնդիր չեմ դնում, որ միայն ՀՀԿ-ի երիտասարդները դառնան լիդեր, կամ այդ կուսակցության լիդերներն գործածել երկրի կառավարման մեջ: Այս խոսքով նախագահը փաստեց, որ ինքը բոլորի նախագահն է, բոլորի առաջդնորդն է և յուրաքանչյուրի ներուժն օգտագործելու է»,- ընդգծեց նա:

Կոստանյանը չհամաձայնեց այն տեսակետի հետ, որ Սերժ Սարգսյանը նման հայտարարություն արեց, քանի որ կարծում է, որ երկրում ընդդիմութուն չկա: Նրա կարծիքով՝ աքսիոմատիկ ճշմարտություն է, որ երկրի զարգացումը պայմանավորված է առողջ ընդդմություն ունենալով:

«Ընդդիմության առկայությունը ցանկացած իշխանության և պետության համար ուղղակի անհրաժեշտություն է: Սերժ Սարգսյանը խոսում էր նրա մասին, որ կայուն է իրավիճակը, չկա մեծ տատանումներ՝ քաղաղաքակամ և այլ դաշտում, ինչը երաշխիք է երկրի զարգացման համար: Որևէ երկիր չի կարող զարգանալ, եթե չլինի կայունության երաշխիք»,- ասաց Կոստանյանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica