close
Եղանակը Երևանում
22 Հուլիսի 2018
+27°
+30°Ցերեկ
+19°Գիշեր
weather
close
Փոխարժեք
22 Հլս 2018
USD1480.62
GBP1625.72
EUR1560.16
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նորատուսցի Ալիկի և մյուսների գործով հարցաքննվել է նաև նախկին «օրենքով գող» Զապը

Իրավունք

20 Մարտի 2018, 18:01
 Նորատուսցի Ալիկի և մյուսների գործով հարցաքննվել է նաև նախկին «օրենքով գող» Զապը

Երևանի ընդհանուր իրավասության դատարանում այսօր հետազոտվեցին 2016 թվականի նոյեմբերի 13-ին Չարբախում տեղի ունեցած` երկու անձի աղմկահարույց սպանության գործով փաստաթղթերը: Նշենք, որ հիշյալ քրեական գործը բաղկացած է 14 հատորից:

Հրապարակվեցին նախաքննության ընթացքում որպես վկա ներգրավված անձանց հարցաքննելու վերաբերյալ արձանագրությունները: Ներկայացված վկաներից ոչ բոլորն են եղել դատակոչի ցուցակում և հարցաքննվել դատարանում: Նրանց թվում էր նաև նախկին «օրենքով գող» Զապը` Անդրանիկ Սողոյանը, ով նույնպես նախաքննության ընթացքում էր միայն հարցաքննվել: Ի դեպ, Անդրանիկ Սողոյանը 2016-ին զրկվել է «օրենքով գողի» տիտղոսից:

Համաձայն գործի նյութերի` Նորատուսցի Ալիկը` Ալիկ Բանդուրյանը, քրեական հեղինակություն Անդրանիկ Սողոյանի միջոցով մեկ այլ քրեական հեղինակություն` Բանգլադեշցի Վիրաբիկին` Վիրաբ Գասպարյանին, հեռացրել է դեպքի վայրից: Զապը Վիրաբիկից պահանջել է հեռանալ գեղեցկության սրահի նկուղային հարկից Մուշեղ Մուշեղյանի առողջությանը ծանր վնաս պատճառելու գործընթացը հեշտացնելու նպատակով:

Հիշեցնենք, որ Չարբախում գտնվող «Լիա» գեղեցկության սրահում սպանվել է երկու անձ:

Այսօր գործով նախագահող դատավոր Նելլի Բաղդասարյանը հայտնեց, որ գրություն է ուղարկել ՃՈ պետ Եգոր Կարապետյանին` գործով իրեղեն ապացույց հանդիսացող «Մերսեդես» մակնիշի ավտոմեքենայի տեղափոխումը ՃՈ հատուկ պահպանման վայրից Երևանի ընդհանուր իրավասության դատարանի Շենգավիթ վարչական շրջանի նստավայր կազմակերպելու համար:

Նախորդ դատական նիստում մեղադրող դատախազ Գևորգ Գևորգյանը հայտնել էր, որ իրեղեն ապացույց հանդիսացող մեքենան տեղափոխելու համար հարկավոր է դրա բանալին, որը նույնպես այս գործով իրեղեն ապացույց է:

Դատավոր Նելլի Բաղդասարյանն այսօր հայտարարեց, որ նպատակահարմար չի համարում տրամադրել մեքենայի բանալին, քանի որ չի բացառում հանցագործության հետքերն էապես փոխելու հանգամանքը: Դատավորը նշեց, որ մեքենան դատարան կարող են տեղափոխել նաև համապատասխան ամբարձիչով:

Ըստ գործի նյութերի՝ Գոռ Իսրայելյանը տուժող Գևորգ Ավետիսյանին տեղափոխել էր հիվանդանոց «Մերսեդես» մակնիշի ավտոմեքենայով: 

Օդի ջերմաստիճանը կնվազի
21 Հուլիսի 2018, 18:00 Օդի ջերմաստիճանը կնվազի
7 օր` առաջնագծում
21 Հուլիսի 2018, 13:55 7 օր` առաջնագծում

Այս բաժնի այլ նորությունները
Ամենաշատ ընթերցվածները
Yandex.Metrica