close
Եղանակը Երևանում
12 Դեկտեմբերի 2018
+2°
+10°Ցերեկ
+2°Գիշեր
weather
close
Փոխարժեք
12 Դեկ 2018
USD1485.28
GBP1612.42
EUR1552.35
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կյուրեղյանն առաջարկում է, որ «Երիտասարդ ընտանիքին` մատչելի բնակարան» ծրագրից օգտվեն նաև ամուսինները, որոնց գումարային տարիքը գերազանցում է 65-ը

Հասարակություն

20 Մարտի 2018, 17:20
 Կյուրեղյանն առաջարկում է, որ «Երիտասարդ ընտանիքին` մատչելի բնակարան» ծրագրից օգտվեն նաև ամուսինները, որոնց գումարային տարիքը գերազանցում է 65-ը

 ԱԺ հայտարարությունների ժամին ելույթով հանդես եկավ ՀՅԴ խմբակցության պատգամավոր Արմենուհի Կյուրեղյանը: Նա հիշեցրեց, որ Հայաստանի կառավարության` 2010 թվականի հունվարի 29-ի որոշմամբ հաստատվել է «Երիտասարդ ընտանիքին` մատչելի բնակարան» պետական նպատակային ծրագիրը, որի համաձայն` ծրագրի շահառու կարող են դառնալ այն երիտասարդ ընտանիքները, երբ ամուսինների գումարային տարիքը չի գերազանցում 65-ը:

«Բոլորս լավ գիտենք, որ մեծ տարիքում երիտասարդներն ավելի դժվար են կայացնում ընտանիք կազմելու, երեխաներ ունենալու որոշում, հատկապես` եթե ապահովված չեն բնակարանով, իսկ հիփոթեքային բնակարաններ ձեռք բերելու ֆինանսական հնարավորություններ ունեցողների տարիքը շատ դեպքերում կարող է ավելի մեծ լինել, քան այդ ծրագրով նախատեսված 65 տարեկանը»,- ասաց պատգամավորը:

Կյուրեղյանը նշեց, որ հարց է առաջանում` ինչո՞ւ չստեղծել այդ ծրագրից օգտվելու հնարավորություն, ասենք, նաև 33 և ավելի տարիք ունեցող երիտասարդների նորաստեղծ ընտանիքներին` հաշվի առնելով, որ նրանք նույնպես երեխա են ունենալու:

«Ես առաջարկությամբ դիմել եմ ՀՀ կառավարությանը, որպեսզի 2010 թվականի հունվարի 29-ի 98N որոշմամբ հաստատված` «Երիտասարդ ընտանիքին` մատչելի բնակարան» նպատակային ծրագրում կատարվեն այնպիսի փոփոխություններ, որոնք հնարավորություն կտան այդ ծրագրի շահառու դարձնել նաև նորաստեղծ` առնվազն մեկ անչափահաս երեխա ունեցող ընտանիքներին, որոնցում ամուսինների տարիքային գումարը գերազանցում է 65-ը»,- ասաց պատգամավորը:

Հայացք՝ խոսքից խոսուն
11 Դեկտեմբերի 2018, 22:55 Հայացք՝ խոսքից խոսուն
 Խաշուկջին` տարվա մարդ
11 Դեկտեմբերի 2018, 17:24 Խաշուկջին` տարվա մարդ
Երևան-Օմսկ նոր ավիաերթուղի
11 Դեկտեմբերի 2018, 14:56 Երևան-Օմսկ նոր ավիաերթուղի
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica