close
Եղանակը Երևանում
21 Սեպտեմբերի 2018
+14°
+26°Ցերեկ
+15°Գիշեր
weather
close
Փոխարժեք
21 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նալբանդյանն ընդունել է ՄԱԿ-ի նորանշանակ մշտական համակարգողին

Քաղաքական

6 Մարտի 2018, 22:41
 Նալբանդյանն ընդունել է ՄԱԿ-ի նորանշանակ մշտական համակարգողին

Մարտի 6-ին ԱԳ նախարար Նալբանդյանն ընդունեց Հայաստանում ՄԱԿ-ի նորանշանակ մշտական համակարգող և ՄԱԿ-ի զարգացման ծրագրի մշտական ներկայացուցիչ Շոմբի Շարփին՝ հավատարմագրման նամակների պատճենների հանձնման կապակցությամբ:

Ողջունելով հյուրին՝ Էդվարդ Նալբանդյանը նշեց, որ անդամակցությունից ի վեր Հայաստանն ակտիվորեն մասնակցում է ՄԱԿ-ի և դրա կառույցների աշխատանքներում և նպատակադրված է շարունակել դրական օրակարգով ներգրավվածությունը ՄԱԿ-ի նպատակների իրականացմանը։ ԱԳՆ ղեկավարը բարձր գնահատեց Հայաստանի կառավարության և ՄԱԿ-ի հայաստանյան գրասենյակի արդյունավետ համագործակցությունը՝ ընդգծելով, որ ՄԱԿ-ի գրասենյակի նորանշանակ ղեկավարն իր նպաստը կբերի Հայաստանում ՄԱԿ-ի ծրագրերի արդյունավետ իրագործմանը։

Շնորհակալություն հայտնելով ընդունելության համար՝ Շոմբի Շարփը նշեց, որ ջանք չի խնայի տարբեր բնագավառներում Հայաստանի և ՄԱԿ-ի համատեղ նախագծերի արգասաբեր իրականացման շարունակականությունն ապահովելու ուղղությամբ:

Հանդիպմանն անդրադարձ արվեց Կայուն զարգացման նպատակներին և այդ համատեքստում երկուստեք գոհունակությամբ նշվեց, որ Հայաստանում ակտիվորեն ընթանում է դրանց իրականացման գործընթացը:

Զրուցակիցներն արծարծեցին հոկտեմբերին Երևանում կայանալիք Ֆրանկոֆոնիայի միջազգային կազմակերպության գագաթաժողովի նախապատրաստական աշխատանքներին վերաբերող հարցեր։

Էդվարդ Նալբանդյանը Շոմբի Շարփին ներկայացրեց ղարաբաղյան հիմնախնդրի խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահ երկրների կողմից գործադրվող ջանքերը։

Օրվա կադր
20 Սեպտեմբերի 2018, 13:13 Օրվա կադր
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica