close
Եղանակը Երևանում
18 Հուլիսի 2018
+19°
+30°Ցերեկ
+17°Գիշեր
weather
close
Փոխարժեք
18 Հլս 2018
USD1480.37
GBP1636.68
EUR1563.47
RUB17.69
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կառավարությունը տեղի է տալիս` Քրեական դատավարության օրենսգիրքը ԱԺ-ում քվեարկության կդրվի առանց վիճահարույց հարցի

Քաղաքական

6 Մարտի 2018, 17:55
 Կառավարությունը տեղի է տալիս` Քրեական դատավարության օրենսգիրքը ԱԺ-ում քվեարկության կդրվի առանց վիճահարույց հարցի

ԱԺ-ում քննարկվում է Քրեական դատավարության և Վարչական դատավարության օրենսգրքերում փոփոխություններ և լրացում կատարելու մասին հարցը: Հիմնական զեկույցով հանդես եկավ արդարադատության նախարար Դավիթ Հարությունյանը, ով նշեց, որ փոփոխությունները պայմանավորված են նրանով, որ վերջերս փոփոխվեց դատական օրենսգիրքը: Նա ասաց, որ նախագծով կառավարությունը Դատական օրենսգրքին է համապատասխանեցնում է մի շարք դրույթներ:

«Այս նախագծով առաջարկվել էր նաև ՄԻԵԴ դատական պրակտիկային համահունչ համապատասխանեցնել Քրեական դատավարության օրենսգրքի 135 հոդվածը, մասնավորապես` կալանավորման խափանման միջոցի կիրառման հիմքերը: Երեկ հանձնաժողովի նիստում ներկայացրել ենք 135 հոդվածի 2-րդ մասի նոր խմբագրությունը, որը պարունակում էր երկու մաս: Պետաիրավական հանձնաժողովում իրավական վեճ ծագեց` արդյո՞ք համապատասխանում է երկրորդ մասը ՄԻԵԴ պրակտիկային»,- տեղեկացրեց Հարությունյանը:

Նախարարը նշեց, որ թեև հանձնաժողովը բացասական եզրակացություն է տվել, սակայն կառավարությունը մոտեցումը չի փոխել: «Կառավարությունը հեռու է այն մտքից, որ իրավական նեղ մասնագիտական վեճը պետք է դառնա քաղաքական մարմնի քննարկման հարց, կամ քաղաքական մարմինը` ԱԺ-ն, պետք է լուծի իրավական վեճը, ուստի նախագիծը ներկայացնում ենք քննարկման առանց երկրորդ մասի»,- հայտարարեց նախարարը:

Հարակից զեկույցով հանդես եկավ ԱԺ պետաիրավական և մարդու իրավունքների մշտական հանձնաժողովի նախագահ Գևորգ Կոստանյանը: Նա նշեց, որ օրենքը շատ կարևոր է:

«Միաժամանակ կարծում եմ, որ բոլորի մոտ օրինաչափ հարց կարող է ծագել` կարևոր օրենքին հանձնաժողովն ինչո՞ւ տվեց բացասական եզրակացությունը»,- ասաց նա:

Կոստանյանը բացատրեց, որ խոսքը վերաբերում էր ընդամնեը մեկ հոդվածի մեկ դրույթին: «Կարևոր նշանակություն ունեցող օրենքների փաթեթը բացասական եզրակացություն ստացավ մեկ նախադասության պատճառով: Անհրաժեշտությո՞ւն էր բացասական եզրակացությունը, միանշանակ»,- ասաց նա:

Նա բացատրեց, որ անձի նկատմաբմ մեր օրենսդրությմաբ և կոնվենցիայով էլ անձի նկատմամբ կալանավորում կարող է ընդունվել, եթե անձը կարող է թաքնվել քննությունից, կատարել այլ հանցանք և անօրինական ազդեցույթւոն գործադրել գործի մասնակցիների նկատմամբ:

«Մեր օրենսդրությունը նաև սահմանում է` եթե անձը կատարել է այնպիսի արարք, որի համար նախատեսված է 1 տարուց ավել ազտազրկում, սա դասական անխոցելի ձևակերպում է, որը մեզ համար անընդունելի է, բայց ներկայացվել էր երկորդ մասը, ըստ որի` խափանման միջոց անձի նկատմամբ կարող է կալանավորում ընդունվել այն դեպքերում, երբ նա խախտել է ընտրված խափանման միջոցի պայմանները: Մեր գնահտամաբ և կոնվենցիայով էլ սատացովում էր, որ անձը կատարել է արարք, որի համար սահմանված չէ ազատազրկում, բայց այնուամենայնիվ կարող է հայտնվել անազատության մեջ, խափանման միջոցի պայմանները խախտելու դեպքում»,- ասաց նա և հավելեց, որ դա անընդունելի է: Եզրափակիչ ելույթում նախարարը նշեց, որ կդիմեն նեղ մասնագետներին, կքննարկեն, հետո միայն ԱԺ կներկայացնեն այդ հարցը:

Գորիսում տուն է այրվել
17 Հուլիսի 2018, 23:26 Գորիսում տուն է այրվել
Արդեն ուշանում էինք
17 Հուլիսի 2018, 21:24 Արդեն ուշանում էինք

Այս բաժնի այլ նորությունները
Ամենաշատ ընթերցվածները
Yandex.Metrica