close
Եղանակը Երևանում
22 Հունիսի 2018
+17°
+26°Ցերեկ
+18°Գիշեր
weather
close
Փոխարժեք
22 Հնս 2018
USD1482.20
GBP1632.02
EUR1555.40
RUB17.55
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պետք է ընտրենք այնպիսի վարչապետ, ով լավագույնս կսպասարկի Հայաստանի ազգային շահը. Շարմազանով

Քաղաքական

1 Մարտի 2018, 22:31
 Պետք է ընտրենք այնպիսի վարչապետ, ով լավագույնս կսպասարկի Հայաստանի ազգային շահը. Շարմազանով

Այսօր տեղի ունեցավ ՀՀԿ ԳՄ նիստը, որի ավարտից հետո ՀՀԿ խոսնակ Էդուարդ Շարմազանովը լրագրողների հետ զրույցում նշեց, որ նիստի ընթացքում քննարկվել է վերջերս նախագահի մոտ կայացած խորհրդակցության արդյունքները, որտեղ կառավարության վարչապետը ներկայացրել է Հայաստանի սոցիալ-տնտեսական կյանքի խնդիրները: ըստ այդմ, ԱՎԾ տվյալներով, ՀՀ տնտեսությունը արձանագրել է վերջին 10 տարիների ամենամեծ տնտեսական աճը` շուրջ 7,5 տոկոս: Ավելին, ՀՀ նախագահը հանձնարարական տվեց, որ պատկան մարմինները շարունակեն նույն տեմպով աշխատել, որ մի քանի տարի հետո քաղաքացիները առարկայորեն իրենց մաշկի վրա զգան տնտեսական աճի արդյունքները:

«Մենք երկարաժամկետ ծրագրեր ենք դնում, ոչ թե կարճաժամկետ ծրագրեր ընտրությունից ընտրություն, որ կարողանանք զարգացման գնալ»,- ասաց Շարմազանովը:

Հարցին, թե արդյո՞ք քննարկվել է նոր կառավարության և նոր վարչապետի հարցը, Շարմազանովը նշեց, որ նման հարց չի քննարկվել, և եթե քննարկվեր, թաքուն չէին պահի ու կհայտնեին: Այնուամենայնիվ, կայացնելու են այնպիսի որոշում, որը կբխի պետության ու ազգի շահերից, անվտանգության և սպառնալիքներին դիմակայելու նկատառումներից:

«Մենք պետք է ընտրենք այնպիսի վարչապետ, ով լավագույնս կդիմակայի այդ մարտահրավերներին, լավագույնս կներկայացնի ՀՀ-ն ղարաբաղյան բանակցությունների ժամանակ, կներկայացնի ՀՀ-ն ՌԴ-ում, Իրանում, ԱՄՆ-ում, Եվրոպայում և ամենակարևորը, լավագույնս կսպասարկի Հայաստանի ազգային շահը»,- ասաց Շարմազանովը:

Եղանակն՝ առաջիկա օրերին
21 Հունիսի 2018, 18:00 Եղանակն՝ առաջիկա օրերին

Այս բաժնի այլ նորությունները
Ամենաշատ ընթերցվածները
Yandex.Metrica