close
Եղանակը Երևանում
15 Դեկտեմբերի 2018
+5°
+6°Ցերեկ
-1°Գիշեր
weather
close
Փոխարժեք
15 Դեկ 2018
USD1484.87
GBP1609.92
EUR1547.37
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Էդքան փող վերցրեցիք, բայց ոչինչ չարեցիք. կաշառք տալու մեջ մեղադրվողի կինը՝ փաստաբանին

Իրավունք

23 Փետրվարի 2018, 17:40
 Էդքան փող վերցրեցիք, բայց ոչինչ չարեցիք. կաշառք տալու մեջ մեղադրվողի կինը՝ փաստաբանին

Երևան քաղաքի ընդհանուր իրավասության առաջին ատյանի դատարանում քննվող` կաշառք տալու, կաշառքի միջնորդության և կաշառք ստանալու գործով այսօրվա դատական նիստում նախկին քննիչ Միքայել Զադոյանի պաշտպան Հրանտ Անանյանն ինքնաբացարկ հայտնեց նախագահող դատավոր Մեսրոպ Մակյանին:

Հիշեցնենք, որ այս գործով ամբաստանյալի կարգավիճակում են քաղաքացի Բաբկեն Գասպարյանը, փաստաբան Գայանե Գալոյանը և ՀՀ քննչական կոմիտեի Էրեբունի և Նուբարաշեն վարչական շրջանների քննչական բաժնի ավագ քննիչ Միքայել Զադոյանը:

Հրանտ Անանյանի խոսքով՝ դատավորը մերժել է իր պաշտպանյալին գրավի դիմաց ազատ արձակելու, նրա նկատմամբ ընտրված խափանման միջոց կալանավորումը փոխելու վերաբերյալ միջնորդությունները՝ առանց ծանոթանալու դրանց բովանդակությանը, ինչը, ըստ նրա, վկայում է դատավորի կողմից կանխակալ վերաբերմունքի մասին: Անանյանը նշեց, որ դատավոր Մակյանը, մերժելով իր միջնորդությունները, պատճառաբանել է, որ իր պաշտպանյալը, ազատության մեջ մնալով, կարող է խոչընդոտել գործի քննությանը: Նա հիշեցրեց, որ նոր օրենսդրական փոփոխություններով նախատեսված է, որ քննությանը խոչընդոտելու հանգամանքը դեռևս հիմք չէ անձին անազատության մեջ պահելու համար: Պաշտպանի խոսքով՝ դատարանը պետք է սպառիչ կերպով պատճառաբանի իր որոշումները:

Խորհրդակցական սենյակից վերադառնալուց հետո Մեսրոպ Մակյանը մերժեց պաշտպանի միջնորդությունը:

Այսօրվա նիստում ցուցմունք տվեց այս գործով ամբաստանյալ Բաբկեն Գասպարյանի կինը: Ըստ գործի նյութերի՝ նա ևս տեղյակ է եղել ամուսնու կողմից փաստաբանի միջոցով քննիչին կաշառք տալու գործընթացին:

Հիշեցնենք, որ Բաբկեն Գասպարյանը կաշառք է տվել իր որդու՝ Սոս Գասպարյանի վերաբերյալ քննվող քրեական գործով՝ որդու օգտին գործողություններ կատարելու, մասնավորապես` նրան կալանքից ազատելու համար:

Գասպարյանի կինը, պատասխանելով ամբաստանյալ Գայանե Գալոյանի հարցերին, պնդեց, որ գումարը նրա միջոցով պետք է հասներ քննիչին: «Ձեզ մոտ, որպես վստահված անձի, ուղղորդել էր քննիչ Միքայել Զադոյանը: Նա իր կաբինետից զանգել է Ձեզ, ասել, որ հաճախորդ է ուղարկում Ձեզ մոտ: Դուք ամուսնուս խոստացել էիք, որ ամեն ինչ լավ կլինի, որ տղայիս առաջադրված մեղադրանքը կվերաորակվի, և նա ազատ կարձակվի: 3000 ԱՄՆ դոլարը հենց նույն օրը բերել, տվել է Ձեզ»,- պատմեց վկան:

Նրա խոսքով՝ կալանավորումից հետո Գայանե Գալոյանը հավաստիացրել է իրենց, որ ամեն բան լավ կլինի, որ որդուն մեկ շաբաթից ազատ կարձակեն և այլն, սակայն երբ հասկացել են, որ «գործարքը» տապալվել է, վիճել են փաստաբանի հետ: «Գալոյանին ասում էինք՝ էդքան փող վերցրեցիք, բայց ոչինչ չարեցիք»,- հիշեց վկան:

Գայանե Գալոյանը, դիմելով վկային, ասաց. «Երբ ձեր որդու վերաբերյալ քննվող քրեական գործը դատարանում էր, ես ձեզ առաջարկեցի հրաժարվել իմ ծառայություններից, ինչո՞ւ այդ ժամանակ գումարը հետ չուզեցիք»:

Ի պատասխան՝ վկան հայտնեց. «Մեր խնդիրը գումարը չէր, մեր խնդիրը որդուս պրոբլեմից ազատվելն էր»:

Հիշեցնենք, որ այս գործով ամբաստանյալ Բաբկեն Գասպարյանի նկատմամբ խափանման միջոց է ընտրված չհեռանալու մասին ստորագրությունը, իսկ Գայանե Գալոյանն ու Միքայել Զադոյանը կալանքի տակ են:

7 օր առաջնագծում
15 Դեկտեմբերի 2018, 15:05 7 օր առաջնագծում
Սպասելով ընդդիմութեան
14 Դեկտեմբերի 2018, 21:30 Սպասելով ընդդիմութեան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica