close
Եղանակը Երևանում
22 Ապրիլի 2019
-2°
+3°Ցերեկ
-3°Գիշեր
weather
close
Փոխարժեք
22 Ապր 2019
USD1482.31
GBP1627.00
EUR1542.36
RUB17.54
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գյուղապետն էլ մեղքի իր բաժինն ունի. Լոքյանը՝ «Քարերի սիմֆոնիա»-ի առջև տաղավարներ կառուցելու մասին

Քաղաքական

23 Փետրվարի 2018, 13:24
 Գյուղապետն էլ մեղքի իր բաժինն ունի. Լոքյանը՝ «Քարերի սիմֆոնիա»-ի առջև տաղավարներ կառուցելու մասին

Գառնիի համայնքապետը «Քարերի սիմֆոնիա» կոչվող հուշարձանի դիմաց շինարարություն իրականացնելու թույլտվություն չի տվել. այսօր լրագրողներին ասաց ՀՀ տարածքային կառավարման և զարգացման նախարար Դավիթ Լոքյանը:

«Եթե փայտյա ժամանակավոր կառույցն ապօրինի է, մենք մեր համայնքապետին և մարզպետին համապատասխան ցուցում ենք տալու, որպեսզի ուսումնասիրեն խնդիրը»,- ասաց նա:

Նախարարը միևնույն ժամանակ նշեց, որ իր համար ընկալելի չէ խնդիրը ծայրահեղականացնելը: «Պետք է ուսումնասիրել և հասկանալ` արդյո՞ք այդ կառույցը չի աղճատում մեր պատմական արժեքի, բնության ընդհանուր պատկերը: Եթե աղճատում է, չպետք է թույլատրվի: Սակայն այն, որ համայնքապետն էլ  մեղքի իր բաժինն ունի և չպետք է թույլատրեր որևէ բան կառուցել, դա ճշմարտություն է»,- նշեց Լոքյանը:

Նշենք, որ Գառնիում գտնվող «Քարերի սիմֆոնիա» կոչվող հուշարձանի առջև շինարարություն է իրականացնում Գառնի գյուղի բնակիչներից մեկի մասնավոր ընկերությունը: Նախատեսվում է այնտեղ տեղադրել շարժական տաղավարներ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica