close
Եղանակը Երևանում
21 Հունիսի 2018
+16°
+28°Ցերեկ
+16°Գիշեր
weather
close
Փոխարժեք
21 Հնս 2018
USD1482.02
GBP1634.24
EUR1557.50
RUB17.59
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Oրենքի հիմնական ուժը բարեփոխումների համալիր մուտքն է Հայաստան. նախարար

Հասարակություն

21 Փետրվարի 2018, 16:47
 Oրենքի հիմնական ուժը բարեփոխումների համալիր մուտքն է Հայաստան. նախարար

Խորհրդարանում ավարտվեցին «Բարձրագույն կրթության ոլորտի օրենսդրական բարեփոխումներն ու հիմնախնդիրները» թեմայով լսումները:

Եզրափակիչ ելույթում ԿԳ նախարար Լևոն Մկրտչյանն անդրադարձավ օրենքի նախագծի քննադատություններին: Նա նշեց, որ նախագիծը լայն քննարկումների փուլեր է անցել, և քննարկումների ընթացքում օրենքի մեջ կատարվել են սրբագրումներ: Ըստ Մկրտչյանի` ԱԺ ամբիոնից արված առաջարկները ևս կքննարկեն: Նախարարը նշեց, որ լսումների ընթացքում պետք է խոսվեր, թե որքանով է համալիր օրենքը, քանի որ օրենքի նախագիծը փորձում է համալիր փոփոխություններ անել:

«Համալիրի մասին չխոսվեց, խոսվեց միայն տեխնիկական հարցերի մասին, օրինակ` վարչապետն է նշանակում ԲՈւՀ-ի կառավարման խորհուրդը, թող կառավարությունը կամ նախարարը հաստատի: Ի վերջո, խորհուրդը մի տեղ պե՞տք է հաստատվի»,- ասաց նա:

Դիմելով Ազգային ժողովին` նախարարն ասաց. «Դուք ԱԺ եք, կոնսենսուսի եկեք: Ես միշտ պատրաստ եմ առարկայական կոնսենսուսի, չի եղել դեպք, երբ ֆրակցիան հրավիրի քննարկման, ես չմասնակցեմ»:

Նա նաև նշեց. «Խորհուրդների կազմը, կառավարման խորհուրդը` սրանք շատ ավելի երկրորդային են, օրենքի հիմնական ուժը բարեփոխումների համալիր մուտքն է Հայաստան, որը կփոխի բարձրագույն կրթության որակը»:

Ըստ Մկրտչյանի՝ Հայաստանում պետք է գործեն 15-20 խոշոր համալիրներ: «Դրա լավագույն օրինակը Դանիան է, որտեղ կան մի քանի խոշոր համալսարաններ, և դասախոսկան կազմի ոչ մի կրճատում չի եղել: 35-ի փոխարեն ունեն 8 միջազգային մակարդակի համալսարան: Հիմա օրենքով մենք այս խնդիրն ենք լուծելու»,- նշեց նախարարը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica