close
Եղանակը Երևանում
24 Մարտի 2019
-2°
+3°Ցերեկ
-3°Գիշեր
weather
close
Փոխարժեք
24 Մար 2019
USD1485.86
GBP1636.57
EUR1549.22
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արմեն Սարգսյանի՝ նախագահ դառնալով՝ երկիրը շատ կշահի. Լևոն Մկրտչյան

Հասարակություն

19 Փետրվարի 2018, 13:34
 Արմեն Սարգսյանի՝ նախագահ դառնալով՝ երկիրը շատ կշահի. Լևոն Մկրտչյան

ՀՀ ԿԳ նախարար Լևոն Մկրտչյանը վստահ է, որ եթե Արմեն Սարգսյանը դառնա ՀՀ նախագահ, մեր երկիրը շատ կշահի, քանի որ նա մարդ է, ով ունի երկրի ապագայի զարգացման ամբողջական տեսլական:

Այսօր նա լրագրողներին նաև ասաց, որ Արմեն Սարգսյանի հետ տարիների մտերմություն և տարիների փորձ ունի: «Ես մասնակցել եմ ՀՅԴ-ի հետ նրա հանդիպմանը, որի ընթացքում խոսել ենք նաև կրթության մասին: Մեր կրթական համակարգը եկել է մի որակական աստիճանի, երբ պետք է ձևն ամբողջությամբ լցվի բովանդակությամբ: Աշխարհում կրթական համակարգը որոնումների մեջ է, և այստեղ է, որ պարոն Սարգսյանը կարող է օգտակար լինել իր քեմբրիջյան փորձով: Այն մասնագիտությունները, որ այսօր ուսուցանվում են աշխարհում, հաշվել են, որ առաջիկա 7 տարիների ընթացքում դրանց մեծ մասն ուղղակի կարող է գոյություն չունենալ: Ուստի մենք պետք է պատրաստենք համակարգը մի բանի, որը չգիտենք՝ ինչ է լինելու: Սա ենթադրում է արմատական փոփոխություն կրթական մոտեցումների մեջ»,- ասաց նախարարը:

Նա նշեց նաև, որ բարձրագույն և որակյալ կրթության մասին խոսելիս, օրինակ, պետք է ունենանք պայմաններ, քանի որ կրթությունը միայն գիտելիք չէ: Նախարարի մեկնաբանմամբ՝ կրթությունը գիտելիք է և դրան գումարած շատ կարևոր մի բան, որը մենք անվանում ենք դաստիարակություն: 

yerkir.am
Ամենաշատ ընթերցվածները
Yandex.Metrica